Lonavala News : खंडाळा येथे टेम्पोच्या धडकेत दुचाकीस्वार पोलीस कर्मचाऱ्याचा मृत्यू
आज, शनिवारी (दि.08 ) सकाळी पावणे नऊच्या सुमारास हा अपघात घडला. : Two-wheeler policeman killed in tempo collision at Khandala
एमपीसीन्यूज : खंडाळा गावाच्या हद्दीमध्ये टेम्पो आणि दुचाकीत झालेल्या अपघातात दुचाकीस्वार पोलीस कर्मचाऱ्याचा मृत्यू झाला आहे. आज, शनिवारी (दि.08 ) सकाळी पावणे नऊच्या सुमारास हा अपघात घडला.
रमेश अशोक आगळे (वय 41, रा. तळेगाव दाभाडे, ता. मावळ, जि पुणे) असे या पोलीस कर्मचाऱ्याचे नाव आहे.
मिळालेल्या माहितीनुसार , रमेश आगळे हे खोपोली याठिकाणी रेल्वे पोलीस दलात कार्यरत होते. ड्युटी संपवून ते पल्सर दुचाकीवरून (एमएच. 22/एसी./9975) घरी तळेगावकडे परत जात होते.
खंडाळा गावाच्या हद्दीमध्ये कोहिनूर कॉलेजच्या गेट समोर टाटा टेम्पोची (एमएच14/इएम/0965) त्यांच्या दुचाकीला धडक बसली. त्यात त्यांच्या डोक्याला गंभीर मार लागला.
उपचारासाठी त्यांना खंडाळ्यातील चंपक हॉस्पिटल येथे नेण्यात आले. मात्र, उपचारापूर्वीच त्यांचा मृत्यू झाला.
पुढील तपास लोणावळा पोलीस करीत आहे.