Maharashtra Corona Update : राज्यात दिवसभरात 11,119 नवे रुग्ण; 9,365 जणांना डिस्चार्ज
राज्यात आजवर 4 लाख 37 हजार 870 जण कोरोनामुक्त झाले आहेत. : 11,119 new patients in the state during the day; 9,365 people discharged
एमपीसी न्यूज – राज्यात आज दिवसभरात तब्बल 11 हजार 119 नवे कोरोना बाधित रुग्ण आढळले असून जवळपास 422 रुग्णांचा कोरोनामुळे मृत्यू झाला आहे. दिवसभरात 9 हजार 365 जण कोरोनामुक्त झाले असून राज्यात आजवर 4 लाख 37 हजार 870 जण कोरोनामुक्त झाले आहेत.
राज्यातील आरोग्य विभागाने जाहीर केलेल्या आकडेवारीनुसार, राज्यातील एकूण कोरोना बाधितांची संख्या 6 लाख 15 हजार 477 एवढी झाली आहे.
त्यापैकी सध्या 1 लाख 56 हजार 608 रुग्णांवर उपचार सुरू आहेत. दिलासादायक बाब म्हणजे आजवर राज्यातील 4 लाख 37 हजार 870 जण कोरोनामुक्त झाले आहेत.
11,119 new #COVID19 cases and 422 deaths reported in Maharashtra today; 9,356 patients discharged today. The total cases in the state rise to 6,15,477 including 20,687 deaths and 4,37,870 recovered patients. Active cases stand at 1,56,608: Public Health Department, Maharashtra pic.twitter.com/X8lhcGltgg
— ANI (@ANI) August 18, 2020
राज्यात आज सर्वाधिक 422 रुग्णांचा कोरोनामुळे मृत्यू झाला असून राज्यातील एकूण मृतांची संख्या 20 हजार 687 इतकी झाली आहे.
राज्यातील रुग्ण बरे होण्याचे प्रमाण वाढले असून राज्याचा रिकव्हरी रेट 70 टक्के एवढा झाला आहे तर, राज्यातील मृत्यूची टक्केवारी 3.36 इतकी आहे.
आजपर्यंत तपासण्यात आलेल्या 32 लाख 64 हजार 384 प्रयोगशाळा नमुन्यांपैकी 6 लाख 15 हजार 477 नमुने पॉझिटिव्ह आले आहेत.
सध्या राज्यात 11 लाख 35 हजार 749 व्यक्ती होम क्वारंटाइनमध्ये आहेत तर 38 हजार 175 व्यक्ती संस्थात्मक क्वारंटाइनमध्ये आहेत.
