मंगळवार, डिसेंबर 6, 2022

Maharashtra Corona Update : राज्यात आज 2,844 नवे कोरोना रुग्ण, 60 मृत्यू

एमपीसी न्यूज – महाराष्ट्रात आज (मंगळवारी) 2 हजार 844 नव्या कोरोनाबाधित रुग्णांची नोंद झाली तर, 60 रुग्णांचा मृत्यू झाला आहे. आज दिवसभरात 3 हजार 029 बरे झालेल्या रुग्णांना डिस्चार्ज देण्यात आला आहे.

राज्यातील एकूण कोरोनाबाधित रुग्णांची एकूण संख्या 65 लाख 44 हजार 606 झाली आहे. त्यापैकी आजपर्यंत एकूण 63 लाख 65 हजार 277 कोरोना रुग्ण बरे होऊन घरी परतले आहेत. राज्यातील रुग्ण बरे होण्याचे प्रमाण (रिकव्हरी रेट) 97.26 टक्के एवढे झाले आहे.

राज्यात सध्या 36 हजार 794 ॲक्टिव्ह रुग्णांवर उपचार सुरू आहेत. राज्यात आज 60 कोरोनाबाधित रुग्णांचा मृत्यू झाला आहे. आजपर्यंत 1 लाख 38 हजार 962 कोरोनाबाधित रुग्णांचा मृत्यू झालेला आहे. सध्या राज्यातील मृत्यूदर 2.12 टक्के एवढा आहे.

राज्यात आजपर्यंत 5 कोटी 84 लाख 29 हजार 804 प्रयोगशाळा नमुने तपासण्यात आले आहेत. सध्या राज्यात 2 लाख 54 हजार 985 व्यक्ती होम क्वारंटाईन आहेत, तर 1 हजार 514 व्यक्ती संस्थात्मक क्वारंटाईन आहेत.

Latest news
Related news