Maharashtra Corona Update : आज 3,558 नवे कोरोना रुग्ण, 34 रुग्णांचा मृत्यू

एमपीसी न्यूज – आज दिवसभरात राज्यात 3 हजार 558 नव्या कोरोना रुग्णांची वाढ झाली असून, राज्यातील एकूण कोरोनाबाधित रुग्णांची संख्या 19 लाख 69 हजार 114 एवढी झाली आहे. आज दिवसभरात 34 रुग्णांचा मृत्यू झाला आहे.

आरोग्य विभागाने जाहीर केलेल्या आकडेवारीनुसार, आज दिवसभरात राज्यात 2 हजार 302 बरे झालेल्या रुग्णांना डिस्चार्ज देण्यात आला असून, आजवर 18 लाख 63 हजार 702 रुग्ण उपचारानंतर बरे झाले आहेत. आज घडीला राज्यात 54 हजार 179 सक्रिय रुग्णांवर उपचार सुरू आहेत.

Maharashtra reports 3558 new #COVID19 cases, 2302 discharges and 34 deaths today.

Total cases 19,69,114
Total recoveries 18,63,702
Death toll 50,061

Active cases 54,179 pic.twitter.com/f5ahw5VCFw

— ANI (@ANI) January 10, 2021

राज्यात आजपर्यंत तब्बल 50 हजार 61 रुग्णांचा कोरोनाने बळी घेतला आहे. आज दिवसभरात 34 रुग्ण दगावले आहेत. राज्याचा कोरोना मृत्यूदर 2.54 टक्के एवढा आहे. राज्यात रुग्ण बरे होण्याचे प्रमाण 94.65 टक्के एवढं झाले आहे.

आतापर्यंत तपासण्यात आलेल्या 1 कोटी 34 लाख 01 हजार 170 नमून्यांपैकी 19 लाख 69 हजार 114 नमूने सकारात्मक आले आहेत. राज्यात सध्या 2 लाख 34 हजार 845 जण होम क्वारंटाईन आहेत तर, 2 हजार 453 जण संस्थात्मक क्वारंटाईन आहेत.