Maharashtra Corona Update : राज्यात आज 3,670 नवे रूग्ण; 2,422 जणांना डिस्चार्ज
एमपीसी न्यूज – महाराष्ट्रात आज दिवसभरात 3 हजार 670 कोरोना रुग्णांची नव्यानं वाढ झाली असून, 2 हजार 422 बरे झालेल्या रूग्णांना डिस्चार्ज देण्यात आला. राज्यात सध्याच्या घडीला राज्यात 31 हजार 474 सक्रिय रुग्णांवर उपचार सुरू आहेत.
आरोग्य मंत्री राजेश टोपे यांनी प्रसिद्ध केलेल्या आकडेवारीनुसार, राज्यात आज झालेल्या वाढीमुळे राज्यातील एकूण कोरोना बाधित रुग्णांची संख्या 20 लाख 55 हजार 933 एवढी झाली आहे. त्यापैकी 19 लाख 72 हजार 475 जण कोरोनामुक्त झाले आहेत. राज्याचा कोरोना रिकव्हरी रेट 95.91 टक्के एवढा झाला आहे.
राज्यात आज 3670 कोरोना बाधीत रुग्णांची वाढ झाली व आज नवीन 2422 कोरोना बाधित रुग्ण बरे झाले आहेत. एकूण 1972475 रुग्ण बरे होऊन दवाखान्यातून घरी पाठविण्यात आले आहेत. राज्यात एकूण 31474 ऍक्टिव्ह रुग्ण आहेत. राज्यातील रुग्ण बरे होण्याचे प्रमाण आता 95.91% झाले आहे.#CoronaVirusUpdates
— Rajesh Tope (@rajeshtope11) February 12, 2021
लसीकरणानंतरही राज्यात रुग्ण संख्या वाढत असली तरी लाॅकडाऊनचा विचार नसल्याची माहिती राज्याचे आरोग्य मंत्री राजेश टोपे यांनी दिली आहे.
लसीकरणानंतरही राज्यभरात कोरोना रुग्णांच्या संख्येत झपाट्यानं वाढ होत आहे. मात्र, याबाबत कोरोनाच्या नियमांचं पालन करणं हाच एकमेव पर्याय आहे. मात्र, राज्यात कुठेच पुन्हा लाॅकडाऊन लावण्याचा विचार नाही किंवा त्याचा संबंध पण नाही, अशी माहिती टोपे यांनी दिली आहे.
त्याचबरोबर पहिला डोस आणि दुसऱ्या डोसमध्ये एका महिन्याचं अंतर पाहिजे आणि त्यानंतर पंधरा दिवस काळजी घेण्याची आवश्यकता असल्याचंही टोपे यांनी म्हंटलं आहे.
