Maharashtra Corona Update : सलग दुसऱ्या दिवशी कोरोनामुक्तांची संख्या अधिक ; 71,966 जणांना डिस्चार्ज
एमपीसी न्यूज – राज्यात सलग दुसऱ्या दिवशी बरे होणा-या रुग्णांची संख्या नव्यानं वाढ होणा-या रुग्णापेक्षा अधिक नोंदवली आहे. महाराष्ट्रासाठी ही दिलासादायक बाब असून, आज (दि.11) दिवसभरात 71 हजार 966 बरे झालेल्या रुग्णांना डिस्चार्ज देण्यात आला. तर, 40 हजार 956 नव्या कोरोना बाधित रुग्णांची वाढ झाली आहे.
आरोग्य विभागाच्या हवाल्याने एएनआयने याबाबत आकडेवारीनुसार, राज्यातील एकूण कोरोना बाधित रुग्णांची संख्या 51 लाख 79 हजार 929 झाली असून, त्यापैकी 45 लाख 41 हजार 391 जण कोरोनामुक्त झाले आहेत.
राज्याचा रिकव्हरी रेट सध्या 87.67 टक्क्यांवर पोहोचला आहे. सध्या राज्यात 5 लाख 58 हजार 996 सक्रिय रुग्णांवर उपचार सुरू आहेत.
Maharashtra reports 40,956 new #COVID19 cases, 793 deaths and 71,966 discharges in the last 24 hours
Active cases: 5,58,996
Total cases: 51,79,929
Total recoveries: 45,41,391
Death toll: 77,191 pic.twitter.com/Auv4G3XCsJ— ANI (@ANI) May 11, 2021
आज 793 कोरोना रुग्णांचा मृत्यू झाला असून, आजवर एकूण 77 हजार 191 जण मुत्यूमुखी पडले आहेत. राज्याचा कोरोना मृत्यूदर 1.48 टक्के एवढा आहे. सध्या राज्यात 35 लाख 91 हजार 783 जण होम क्वारंटाईन आहेत तर, 29 हजार 955 जण संस्थात्मक क्वारंटाईन आहेत.
राज्यात आतापर्यंत 2 कोटी 98 लाख 48 हजार 783 नमूने तपासण्यात आले आहेत.
मागील दोन दिवसांपासून राज्यात नव्यानं वाढ होणा-या रुग्णांची संख्या घटली असून, बरे होणा-या रुग्णांची संख्या वाढली आहे. यामुळे सक्रिय रुग्णांच्या संख्येत घट झाली आहे तर, राज्याचा रिकव्हरी रेट सुधारला आहे.
दरम्यान, राज्यातील निर्बंध 15 मे च्या पुढे देखील वाढवण्याचे संकेत आरोग्य मंत्री राजेश टोपे यांनी दिले आहेत.
