Maharashtra Corona Update : राज्यात आज जवळपास 60 हजार नवे रुग्ण, सक्रिय रुग्ण पाच लाखांच्या पुढे
एमपीसी न्यूज – राज्यात आज कोरोना रेकॉर्ड ब्रेक आकडेवारी समोर आली आहे. आज, बुधवारी दिवसभरात राज्यात तब्बल 59 हजार 907 नव्या कोरोना बाधित रुग्णांची नोंद झाली आहे. आजवरची राज्यातील ही सर्वाधिक एकदिवसीय रुग्णवाढ आहे. राज्यातील सक्रिय रुग्णांची संख्या देखील पाच लाखांच्या पुढे गेली आहे.
आरोग्य विभागाच्या हवाल्याने एएनआयने प्रसिद्ध केलेल्या आकडेवारीनुसार, राज्यातील एकूण कोरोना बाधित रुग्णांची संख्या 31 लाख 73 हजार 261 वर जाऊन पोहोचली आहे. त्यापैकी 26 लाख 13 हजार 627 रुग्ण उपचारानंतर बरे झाले आहेत.
आज 30 हजार 296 बरे झालेल्या रुग्णांना डिस्चार्ज देण्यात आला. राज्यातील रुग्ण बरे होण्याचे प्रमाण 82.36 टक्के एवढं झाले आहे.
Maharashtra reports 59,907 new COVID cases, 30,296 recoveries, and 322 deaths in the last 24 hours
Total cases: 31,73,261
Active cases: 5,01,559
Total recoveries: 26,13,627
Death toll: 56,652 pic.twitter.com/eWsr5P17CT— ANI (@ANI) April 7, 2021
राज्यात सध्या 5 लाख 01 हजार 559 नव्या कोरोना बाधित रुग्णांवर उपचार सुरू आहेत.
राज्यात आज 322 कोरोना रुग्णांचा मृत्यू झाला, आजवर एकूण 56 हजार 652 जण कोरोनामुळे मुत्यूमुखी पडले आहेत. राज्याचा कोरोना मृत्यूदर 1.79 टक्के एवढा आहे.
सध्या राज्यात 25 लाख 78 हजार 530 जण होम क्वारंटाईन आहेत तर, 21 हजार 212 जण संस्थात्मक क्वारंटाईन आहेत. राज्यात आतापर्यंत 2 कोटी 11 लाख 48 हजार 736 नमूने तपासण्यात आले आहेत.
