Maharashtra Corona Update : दिवसभरात 4,981 नवे रुग्ण ; 5,111 जणांना डिस्चार्ज
एमपीसी न्यूज – महाराष्ट्रात दिवसभरात 5 हजार 111 रुग्ण करोनामुक्त झाल्याने त्यांना डिस्चार्ज देण्यात आला आहे. आत्तापर्यंत राज्यात एकूण 17 लाख 42 हजार 191 करोना बाधित रुग्ण बरे होऊन घरी गेले आहेत. त्यामुळे राज्यातील रुग्ण बरे होण्याचे प्रमाण 93.45 टक्के इतका झाला आहे.
आज राज्यात 4 हजार 981 नवे कोरोना रुग्ण पॉझिटिव्ह आढळले आहेत. तर राज्यात दिवसभरात 75 मृत्यूंची नोंद झाली आहे. राज्यातील करोना बाधित रुग्णांची एकूण संख्या 18 लाख 64 हजार 348 इतकी झाली आहे. राज्यात आज घडीला 73 हजार 166 रुग्ण ॲक्टिव्ह रुग्ण आहेत.
Maharashtra reports 4,981 new COVID-19 cases which take caseload to 18,64,348; death toll reaches 47,902 with 75 new fatalities: health official
— Press Trust of India (@PTI_News) December 9, 2020
सध्या राज्यातील मृत्यू दर 2.57 टक्के इतका झाला आहे. आज नोंद झालेल्या 75 मृत्यूंपैकी 63 मृत्यू हे मागील 48 तासातले आहेत. तर 12 मृत्यू हे मागील आठवड्यातले आहेत असं आरोग्य विभागाने स्पष्ट केलं आहे.
आजपर्यंत तपासण्यात आलेल्या 1 कोटी 14 लाख 47 हजार 723 प्रयोगशाळा नमुन्यांपैकी 18 लाख 64 हजार 348 नमुने पॉझिटिव्ह आहेत. सध्या राज्यात 5 लाख 43 हजार 91 व्यक्ती होम क्वारंटाइन आहेत. 5 हजार 105 व्यक्ती संस्थात्मक क्वारंटाइन आहेत.
