Maval : मावळ चषक कुस्ती स्पर्धेत अजित करवंदे, सावरी सातकर यांनी मिळवल्या मानाच्या गदा
एमपीसी न्यूज – पुणे जिल्हा कुस्तीगीर संघाच्या (Maval) मान्यतेने व मावळ तालुका कुस्तीगीर संघाच्या वतीने मावळ चषक कुस्ती स्पर्धा घेण्यात आल्या. पुरुष गटात कल्हाट गावच्या अजित करवंदे यांनी ऊर्से गावच्या संकेत ठाकूर याला हरवत मानाची गदा पटकावली. तर महिला गटात सावरी सातकर हिने सनम शेख हिच्यावर मात करुन मानाची गदा पटकावली.
यावेळी विजेत्यांना चांदीची गदा व रोख बक्षीस देऊन सन्मानित करण्यात आले. शनिवार (दि.27) सोमाटणे येथील मैदानावर झालेल्या स्पर्धेत मावळ तालुक्यातील 240 मल्लांनी व 25 महिला मल्लांनी सहभाग नोंदविला.बाल गट, कुमार गट व वरिष्ठ गट अशा 250 प्रेक्षणीय कुस्त्या यावेळी झाल्या.स्पर्धेचे प्रमुख आकर्षण असलेली लढत महाराष्ट्र केसरी पृथ्वीराज पाटील विरूद्ध उप महाराष्ट्र केसरी विशाल बनकर यांची कुस्ती बरोबरीत सोडविण्यात आली.
Vadgaon : मोरया प्रतिष्ठानच्या वतीने ग्रामदैवत श्री पोटोबा महाराज मंदिरात महाअभिषेक
स्पर्धेचे आयोजन आमदार सुनिल शेळके, दिपक हुलावळे, संदीप आंद्रे, किशोर सातकर, देवा गायकवाड इ.केले होते.
स्पर्धेचे उद्घाटन ऑलिंपिकवीर मारुती आडकर, मावळ तालुका कुस्तीगीर संघाचे अध्यक्ष खंडू वाळुंज,संभाजी राक्षे,सचिन घोटकुले, मनोज येवले,तानाजी कारके,अंकुश काकरे, बंडू येवले,पप्पू कालेकर तसेच मावळमधील पैलवानांच्या उपस्थितीत झाले. स्पर्धेचे सूत्रसंचालन बाबा निम्हण, संदीप वांजळे, चंद्रकांत चांदेकर अजिंक्य टिळे यांनी (Maval) केले.
