Maval Corona News : नवीन 17 रूग्णांचा चाचणी अहवाल पॉझिटिव्ह

एमपीसीन्यूज- मावळ तालुक्यात रविवारी (दि.17 ) 17 रुग्णांचा चाचणी अहवाल पॉझिटिव्ह आला, तर तालुक्यात दिवसभरात 15 जणांना डिस्चार्ज देण्यात आला आहे.

आज एकही रुग्णाचा कोरोनाने मृत्यू झाला नाही, आतापर्यंत 524 रुग्णांचा कोरोनाने मृत्यू झाला आहे.सद्यस्थितीत उपचार घेत असलेल्या रुग्णांची संख्या 126 आहे.

शहरी भागात 13 तर ग्रामीण भागात 04 रुग्ण आज सापडले. आज तळेगाव दाभाडे नगरपरिषदेच्या हद्दीत 08 रूग्ण तर लोणावळा नगरपरिषदेच्या हद्दीत आज 05 रूग्ण आणि वडगाव नगरपंचायतीच्या हद्दीत आज एकही रूग्ण सापडला नाही.

तालुक्यातील कोरोना बाधितांची आतापर्यंतची एकूण संख्या 27,579 झाली आहे. तर दिवसभरात 15 रुग्ण बरे झाल्याने घरी सोडण्यात आले. रविवारी कोरोना रुग्णांमध्ये ग्रामीण भागात कुसगाव बुद्रुक येथे 02 रुग्ण सापडले.

तर ब्राह्मणवाडी- करंजगाव व केवरे येथे प्रत्येकी 01 रुग्ण सापडले.असे एकूण 04 रुग्ण सापडले. 26,929 जणांना आतापर्यंत डिस्चार्ज देण्यात आला आहे. आतापर्यंत 524 रुग्णांचा मृत्यू झाला आहे.

तळेगाव नगरपरिषद हद्दीत सर्वाधिक 8,803 लोणावळा नगरपरिषद हद्दीत 4,516 व वडगाव नगरपंचायत हद्दीत 1,374 रुग्ण सापडले आहेत. शहरी भागात 14,693 रुग्ण तर ग्रामीण भागात 12,886 रुग्ण आढळून आले आहेत.

दरम्यान, एकही रुग्णाची परिस्थिती गंभीर नाही. कोरोना रुग्ण बरे होण्याचा दर 97.64 टक्के आहे तर मृत्यू दर 1.90 टक्के आहे.

सद्यस्थिती तळेगाव दाभाडे नगरपरिषद मध्ये 48, लोणावळा नगरपरिषदमध्ये 17, वडगाव नगरपंचायतमध्ये 03 व ग्रामीण भागात 58 असे एकूण 126 रुग्ण आहेत, अशी माहिती तहसीलदार मधुसूदन बर्गे, तालुका आरोग्य अधिकारी डॉ. चंद्रकांत लोहारे व कोविड समन्वयक डॉ. गुणेश बागडे यांनी माहिती दिली.