Maval Corona Update : मावळात आज 11 नव्या रुग्णांची नोंद; 14 जणांना डिस्चार्ज

एमपीसीन्यूज : मावळ तालुक्यात दिवसेंदिवस रुग्ण संख्या कमी जास्त होत आहे. तालुक्यात गुरूवारी (दि.19) 11 रुग्णांचे चाचणी अहवाल पॉझिटिव्ह आले आहेत. तर दिवसभरात 14 जणांना डिस्चार्ज देण्यात आला. आज एकाही रुग्णाचा कोरोनाने मृत्यू झाला नाही. आतापर्यंत 212 मृत्यू झाले आहेत.

वडगाव नगरपंचायत हद्दीत आज एकही रुग्ण सापडला नाही. सध्या तालुक्यातील रुग्णालयात 49 रुग्ण उपचार घेत आहेत. तालुक्यातील कोरोनाबाधितांची एकूण संख्या 7600 झाली आहे. तर दिवसभरात 14 जणांना डिस्चार्ज देण्यात आला आहे.

गुरूवारी आढळलेल्या कोरोना रुग्णांमध्ये 5 रुग्ण शहरी भागात तर कार्ला 2 व गहुंजे, तळेगाव ग्रामीण, टाकवे बुद्रुक, नाणे प्रत्येकी एक असे एकूण 6 रुग्ण ग्रामीण भागात सापडले.

ग्रामीण भागात 6 तर शहरी भागात वडगाव नगरपंचायत हद्दीत एकही कोरोना रुग्ण सापडला नाही. तळेगाव दाभाडे नगरपरिषद हद्दीत 3 व लोणावळा नगरपरिषद हद्दीत 02 असे एकूण 05 रुग्ण सापडले. 49 रुग्ण सक्रिय आहेत. 7339 जणांना आतापर्यंत डिस्चार्ज देण्यात आला आहे.

मावळ तालुक्यात आज एकही मृत्यू झाला नाही. आतापर्यंत 212 रुग्णांचा मृत्यू झाला आहे. तळेगाव नगरपरिषद हद्दीत सर्वाधिक2215, लोणावळा नगरपरिषद हद्दीत 1521 व वडगाव नगरपंचायत हद्दीत 518 रुग्ण सापडले आहेत.

शहरी भागात 4254रुग्ण तर ग्रामीण भागात 3346 रुग्ण आढळून आले आहेत. एकाही रुग्णांची परिस्थिती गंभीर नाही अशी माहिती तहसीलदार मधुसूदन बर्गे, तालुका आरोग्य अधिकारी डॉ. चंद्रकांत लोहरे व कोविड समन्वयक डॉ. गुणेश बागडे यांनी माहिती दिली.