Maval Corona Update : मावळ तालुक्यात आज 51 जणांना डिस्चार्ज; कोरोनाचे 28 नवीन रुग्ण

एमपीसी न्यूज – मावळ तालुक्यात आज (गुरूवारी, दि. 22) कोरोनाचे 28 रुग्णांचे कोरोना चाचणी अहवाल पॉझिटिव्ह आले आहेत. तालुक्यातील कोरोनाबधितांची एकूण संख्या 7 हजार 324 झाली आहे. तर दिवसभरात 51 जणांना डिस्चार्ज देण्यात आला आहे.

आज दिवसभरात तीन रुग्णांचा मृत्यू झाला आहे. मृत्यू झालेले रुग्ण लोणावळा (महिला, 110 वर्ष), (पुरुष, 57 वर्ष), (पुरुष, 68) येथील आहेत.

आज आढळलेल्या कोरोना रुग्णांमध्ये 16 रुग्ण शहरी भागातील आहेत. तर 12 रुग्ण ग्रामीण भागातील आहेत. तळेगाव शहरात 12, लोणावळा शहरात 2, वडगाव शहरात 2 रुग्ण आढळले आहेत.

एकूण 7 हजार 324 रुग्णांमध्ये सध्या 357 रुग्ण सक्रीय आहेत. तर 6 हजार 771 जणांना डिस्चार्ज देण्यात आला आहे. 196 रुग्णांचा मृत्यू झाला आहे.

तळेगाव नगरपरिषद क्षेत्रात 2 हजार 123, लोणावळा नगरपरिषद 1 हजार 455 आणि वडगाव नगरपंचायत क्षेत्रात 500 रुग्ण सापडले आहेत. तर ग्रामीण भागात 3 हजार 246 रुग्ण आढळून आले आहेत.

ग्रामीण भागात आढळलेले रुग्ण

गुरूवारी मावळ तालुक्यातील ग्रामीण भागात आढळलेल्या रुग्णांमध्ये तळेगाव दाभाडे (ग्रामीण) 3, गहूंजे 3, इंदोरी 2, घोणशेत, आढले बु, ओझुरडे येथील प्रत्येकी एका रुग्णाचा समावेश आहे.

मावळातील 30 गावांमध्ये 15 पेक्षा कमी सक्रिय रुग्ण आहेत. तर 5 गावांमध्ये 15 पेक्षा अधिक कोरोनाचे सक्रिय रुग्ण आहेत. एकूण 35 गावांना कोरोनाने वेढा दिला आहे.