Maval Corona Update : मावळ तालुक्यात आज कोरोनाचे 73 नवीन रुग्ण

एमपीसी न्यूज – मावळ तालुक्यात आज (रविवारी, दि. 4) 73 रुग्णांचे कोरोना चाचणी अहवाल पॉझिटिव्ह आले आहेत. तालुक्यातील कोरोनाबधितांची एकूण संख्या 4 हजार 981 झाली आहे. तर दिवसभरात 53 जणांना डिस्चार्ज देण्यात आला आहे.

आज आढळलेल्या कोरोना रुग्णांमध्ये 63 रुग्ण शहरी भागातील आहेत. तर 10 रुग्ण ग्रामीण भागातील आहेत. तळेगाव शहरात 15, लोणावळा शहरात 42, वडगाव शहरात 6 रुग्ण आढळले आहेत.

एकूण 4 हजार 981 रुग्णांमध्ये सध्या 690 रुग्ण सक्रीय आहेत. तर 4 हजार 120 जणांना डिस्चार्ज देण्यात आला आहे. 171 रुग्णांचा मृत्यू झाला आहे.

तळेगाव नगरपरिषद क्षेत्रात 1 हजार 505, लोणावळा नगरपरिषद 1 हजार 124 आणि वडगाव नगरपंचायत क्षेत्रात 298 रुग्ण सापडले आहेत. तर ग्रामीण भागात 2 हजार 54 रुग्ण आढळून आले आहेत.

ग्रामीण भागात आढळलेले रुग्ण

रविवारी मावळ तालुक्यातील ग्रामीण भागात आढळलेल्या रुग्णांमध्ये इंदोरी 2 तर कामशेत, टाकवे बु, कुसगाव बु, डोंगरगाव, सोमाटणे, कान्हे, वाकसाई, कार्ला येथील प्रत्येकी एका रुग्णाचा समावेश आहे. मावळातील 52 गावांमध्ये 15 पेक्षा कमी सक्रिय रुग्ण आहेत. तर 7 गावांमध्ये 15 पेक्षा अधिक कोरोनाचे सक्रिय रुग्ण आहेत. एकूण 59 गावांना कोरोनाने वेढा दिला आहे.