Maval Corona Update : मावळात 19 पॉझिटिव्ह रुग्ण, 61 सक्रिय

एमपीसीन्यूज : मावळ तालुक्यात दिवसेंदिवस रुग्ण संख्या कमी जास्त होत आहे. तालुक्यात गुरूवारी (दि.26) 19 रुग्णांचे चाचणी अहवाल पॉझिटिव्ह आले आहेत. तर दिवसभरात आज, गुरुवारी एकाही रुग्णाचा कोरोनाने मृत्यू झाला नाही. आतापर्यंत 220 मृत्यू झाले आहेत.

सध्या रुग्णालयात 61 रुग्ण उपचार घेत आहेत. तालुक्यातील कोरोनाबाधितांची एकूण संख्या 7656 झाली आहे. गुरूवारी आढळलेल्या कोरोना रुग्णांमध्ये 14 रुग्ण शहरी भागात तर वराळे 2, पवनानगर,धामणे व कामशेत प्रत्येकी एक असे एकूण 05 रुग्ण ग्रामीण भागात सापडले.

ग्रामीण भागात 5 तर शहरी भागात वडगाव नगरपंचायत हद्दीत एकही रूग्ण सापडला नाही. तळेगाव दाभाडे नगरपरिषद हद्दीत 08 व लोणावळा नगरपरिषद हद्दीत 06 असे एकूण 19 रुग्ण सापडले. 61 रुग्ण सक्रिय आहेत.

मावळ तालुक्यात आज एकही मृत्यू झाला नाही. आतापर्यंत 220 रुग्णांचा मृत्यू झाला आहे. तळेगाव नगरपरिषद हद्दीत सर्वाधिक2240, लोणावळा नगरपरिषद हद्दीत 1533 व वडगाव नगरपंचायत हद्दीत 521 रुग्ण सापडले आहेत.

शहरी भागात 4295रुग्ण तर ग्रामीण भागात 3361 रुग्ण आढळून आले आहेत. एकाही रुग्णांची परिस्थिती गंभीर नाही अशी माहिती तहसीलदार मधुसूदन बर्गे, तालुका आरोग्य अधिकारी डॉ. चंद्रकांत लोहारे व कोविड समन्वयक डॉ. गुणेश बागडे यांनी माहिती दिली.