Maval Corona Update : तालुक्याची वाटचाल कोरोनामुक्तीकडे; दिवसभरात एकाही रुग्णाची नोंद नाही
एमपीसी न्यूज – मावळ तालुक्यात आज गुरुवारी (दि.21) एकाही कोरोनाबाधित रुग्णाची नोंद झाली नाही. तालुक्याची वाटचाल कोरोनामुक्तीकडे सुरु आहे. शहरी आणि ग्रामीण भागात एकाही रुग्णाची नोंद झाली नसून सध्या तालुक्यात कोरोनाचे 34 सक्रिय रुग्ण आहेत.
मावळ तालुक्यात आजवर 8 हजार 64 जणांना कोरोनाची लागण झाली. त्यात 4 हजार 569 रुग्ण शहरी भागातील होते. तर ग्रामीण भागातील रुग्ण 3 हजार 495 एवढे होते. शहरी भागातील रुग्णांमध्ये सर्वाधिक रुग्ण तळेगाव शहरात आढळले.
तळेगाव नगर परिषद क्षेत्रात 2 हजार 432, लोणावळा नगर परिषद क्षेत्रात 1 हजार 602 तर वडगाव नगर पंचायत क्षेत्रात 535 रुग्ण आजवर आढळले आहेत.
आतापर्यंत 224 रुग्णांचा कोरोनामुळे मृत्यू झाला आहे. 7 हजार 806 रुग्णांना डिस्चार्ज देण्यात आला असून सध्या 34 सक्रिय रुग्ण आहेत. सक्रिय रुग्णांमध्ये 18 रुग्णांमध्ये लक्षणे दिसत असून16 रुग्णांमध्ये कोरोनाची लक्षणे दिसत नाहीत. गुरूवारी 08 रुग्णांना डिस्चार्ज देण्यात आला.
सध्या मावळ तालुक्यातील केवळ 07 गावांमध्ये कोरोनाचे रुग्ण आहेत.