Maval Corona Update : तालुक्यात आज 11 रुग्णांचा चाचणी अहवाल पॉझिटिव्ह 

एमपीसी न्यूज : मावळ तालुक्यात सोमवार (दि.15) 11 रुग्णांचा चाचणी अहवाल पॉझिटिव्ह आला आहे. तर दिवसभरात 05 जणांना डिस्चार्ज देण्यात आला. आज एकाही रुग्णाचा कोरोनाने मृत्यू झाला नाही. सक्रिय रुग्णांची संख्या 51 आहे.

लोणावळा नगरपरिषदेच्या हद्दीत आज एकही रुग्ण सापडला नाही तर तळेगाव नगरपरिषदेच्या हद्दीत 07 रुग्ण तर वडगाव नगरपंचायतीच्या हद्दीत 01 रुग्ण सापडला. सध्या रुग्णालयात 51 रुग्ण उपचार घेत आहेत. तालुक्यातील कोरोनाबाधितांची एकूण संख्या 8182 झाली आहे. तर दिवसभरात 05 जणांना डिस्चार्ज देण्यात आला आहे. सोमवारी आढळलेल्या कोरोना रुग्णांमध्ये शहरी भागात 08 रुग्ण सापडले तर ग्रामीण भागात माळवाडी येथे 02 रुग्ण व जाधववाडी येथे 01रुग्ण सापडला.

ग्रामीण भागात 03 रुग्ण सापडले तर शहरी भागात 08 रुग्ण सापडले. 51 रुग्ण सक्रिय आहेत. 7907 जणांना आतापर्यंत डिस्चार्ज देण्यात आला आहे.

मावळ तालुक्यातील आज एकाही रुग्णाचा मृत्यू झाला नाही. आतापर्यंत 224 रुग्णांचा मृत्यू झाला आहे.

तळेगाव नगरपरिषद हद्दीत सर्वाधिक 2489, लोणावळा नगरपरिषद हद्दीत 1613 व वडगाव नगरपंचायत हद्दीत 540 रुग्ण सापडले आहेत.

शहरी भागात 4642 रुग्ण तर ग्रामीण भागात 3540 रुग्ण आढळून आले आहेत. एकाही रुग्णांची परिस्थिती गंभीर नाही अशी माहिती तहसीलदार मधुसूदन बर्गे, तालुका आरोग्य अधिकारी डॉ. चंद्रकांत लोहारे व कोविड समन्वयक डॉ. गुणेश बागडे यांनी माहिती दिली.