Maval Corona Update : नवीन 17 रुग्णांचा चाचणी अहवाल पॉझिटिव्ह

एमपीसी न्यूज- मावळ तालुक्यात सोमवारी (दि.20) 17 रुग्णांचा चाचणी अहवाल पॉझिटिव्ह आला, तर तालुक्यात दिवसभरात 09 जणांना डिस्चार्ज देण्यात आला आहे. आज एकही रुग्णाचा कोरोनाने मृत्यू झाला नाही, आतापर्यंत 523 रुग्णांचा कोरोनाने मृत्यू झाला आहे.सद्यस्थितीत उपचार घेत असलेल्या रुग्णांची संख्या 185 आहे.

शहरी भागात 09 तर ग्रामीण भागात 08 रुग्ण आज सापडले. आज तळेगाव दाभाडे नगरपरिषदेच्या हद्दीत 03 रूग्ण सापडले तर लोणावळा नगरपरिषदेच्या हद्दीत आज 05 रूग्ण सापडले. वडगाव नगरपंचायतीच्या हद्दीत 01 रूग्ण सापडला. तालुक्यातील कोरोनाबाधितांची आतापर्यंतची एकूण संख्या 27,226 झाली आहे. तर दिवसभरात 09 रुग्ण बरे झाल्याने घरी सोडण्यात आले.

सोमवारी कोरोना रुग्णांमध्ये ग्रामीण भागात वडेश्वर येथे प्रत्येकी 02 रुग्ण सापडले. तर कुसगाव बुद्रुक, भाजे, पाटण, मंगरूळ, नवलाख उंब्रे व कुणे नामा येथे प्रत्येकी 01 रुग्ण सापडला, असे एकूण 08 रुग्ण सापडले. 26,518 जणांना आतापर्यंत डिस्चार्ज देण्यात आला आहे. आतापर्यंत 523 रुग्णांचा मृत्यू झाला आहे.

तळेगाव नगरपरिषद हद्दीत सर्वाधिक 8,647, लोणावळा नगरपरिषद हद्दीत 4,472 व वडगाव नगरपंचायत हद्दीत 1,362 रुग्ण सापडले आहेत. शहरी भागात 14,481 रुग्ण तर ग्रामीण भागात 12,745 रुग्ण आढळून आले आहेत. एकही रुग्णाची परिस्थिती गंभीर नाही. कोरोना रुग्ण बरे होण्याचा दर 97.04 टक्के आहे तर मृत्यू दर 1.92 टक्के आहे.

सद्यस्थिती तळेगाव दाभाडे नगरपरिषद मध्ये 88, लोणावळा नगरपरिषदमध्ये 17, वडगाव नगरपंचायतमध्ये 16 व ग्रामीण भागात 64 असे एकूण 185 रुग्ण आहेत. अशी माहिती तहसीलदार मधुसूदन बर्गे, तालुका आरोग्य अधिकारी डॉ. चंद्रकांत लोहारे व कोविड समन्वयक डॉ. गुणेश बागडे यांनी माहिती दिली.