Maval Corona Update : मावळात 19नव्या रुग्णांची नोंद; 4 जणांना डिस्चार्ज

एमपीसीन्यूज : मावळ तालुक्यात दिवसेंदिवस रुग्ण संख्या कमी जास्त होत आहे. तालुक्यात सोमवारी (दि.7) 19 रुग्णांचा चाचणी अहवाल पॉझिटिव्ह आला आहे. तर दिवसभरात 04 जणांना डिस्चार्ज देण्यात आला. आज एकाही रुग्णाचा कोरोनाने मृत्यू झाला नाही. सक्रिय रूग्णांची संख्या 71 आहे.

वडगाव नगरपंचायतीच्या हद्दीत आज एकही रुग्ण सापडला नाही. सध्या रुग्णालयात 71 रुग्ण उपचार घेत आहेत. तालुक्यातील कोरोनाबाधितांची एकूण संख्या 7739 झाली आहे.

तर दिवसभरात 04 जणांना डिस्चार्ज देण्यात आला आहे. सोमवारी आढळलेल्या कोरोना रुग्णांमध्ये शहरी भागात 16 रुग्ण तर ग्रामीण भागात इंदोरी, सोमाटणे व आढले प्रत्येकी 1रूग्ण सापडला.

ग्रामीण भागात 3 रूग्ण सापडले. तर शहरी भागात तळेगाव दाभाडे नगरपरिषद हद्दीत 7 रूग्ण तर लोणावळा नगरपरिषदेच्या हद्दीत 9 रूग्ण सापडले तर वडगाव नगरपंचायत हद्दीत एकही रूग्ण सापडला नाही. 71 रुग्ण सक्रिय आहेत. 7446 जणांना आतापर्यंत डिस्चार्ज देण्यात आला आहे.

मावळ तालुक्यातील आज एकाही रूग्णाचा मृत्यू झाला नाही. आतापर्यंत 222 रुग्णांचा मृत्यू झाला आहे. तळेगाव नगरपरिषद हद्दीत सर्वाधिक 2276, लोणावळा नगरपरिषद हद्दीत 1554 व वडगाव नगरपंचायत हद्दीत 524 रुग्ण
सापडले आहेत.

शहरी भागात 4384 रुग्ण तर ग्रामीण भागात 3385 रुग्ण आढळून आले आहेत. एकाही रुग्णांची परिस्थिती गंभीर नाही अशी माहिती तहसीलदार मधुसूदन बर्गे, तालुका आरोग्य अधिकारी डॉ. चंद्रकांत लोहारे व कोविड समन्वयक डॉ. गुणेश बागडे यांनी माहिती दिली.