Maval Corona Update : मावळात आज 23 नवीन रुग्णांची भर; 38 जणांना डिस्चार्ज
एमपीसी न्यूज – मावळ तालुक्यात आज (शनिवारी, दि. 17) 23 रुग्णांचे कोरोना चाचणी अहवाल पॉझिटिव्ह आले आहेत. 38 रुग्णांना डिस्चार्ज देण्यात आला आहे. सध्या तालुक्यात 429 सक्रिय रुग्ण आहेत.
आज आढळलेल्या कोरोना रुग्णांमध्ये 16 रुग्ण शहरी भागातील आहेत. तर 07 रुग्ण ग्रामीण भागातील आहेत. तळेगाव शहरात 10, लोणावळा शहरात 5, वडगाव शहरात 1 रुग्ण आढळले आहेत.
शनिवारी मावळ तालुक्यातील ग्रामीण भागात आढळलेल्या रुग्णांमध्ये पाचाणे 3, इंदोरी, सोमाटणे, कान्हे व शिरगांव प्रत्येक ठिकाणी एक असे सात रूग्ण आढळले आहेत.
मावळातील 32 गावांमध्ये 15 पेक्षा कमी सक्रिय रुग्ण आहेत. तर 5 गावांमध्ये 15 पेक्षा अधिक कोरोनाचे सक्रिय रुग्ण आहेत. एकूण 37 गावांना कोरोनाने वेढा दिला आहे.