Maval Corona News : नवीन 19 रूग्णांचा चाचणी अहवाल पॉझिटिव्ह

एमपीसीन्यूज- मावळ तालुक्यात गुरूवारी(दि.16) 19 रुग्णांचा चाचणी अहवाल पॉझिटिव्ह आला, तर तालुक्यात दिवसभरात 12 जणांना डिस्चार्ज देण्यात आला आहे. मात्र, आज एकही रुग्णाचा कोरोनाने मृत्यू झाला नाही. आकडेवारी पाहता आतापर्यंत 523 रुग्णांचा कोरोनाने मृत्यू झाला असून,सद्यस्थितीत उपचार घेत असलेल्या रुग्णांची संख्या 196 आहे.

शहरी भागात 12 तर ग्रामीण भागात 07 रुग्ण आज सापडले. आज तळेगाव दाभाडे नगरपरिषदेच्या हद्दीत 11 रूग्ण सापडले, तर लोणावळा नगरपरिषदेच्या हद्दीत 01 रुग्ण सापडला. वडगाव नगरपंचायतीच्या हद्दीत एकही रूग्ण सापडला नाही. सध्या तालुक्यातील कोरोनाबाधितांची आतापर्यंतची एकूण संख्या 27,166 झाली आहे, तर दिवसभरात 12 रुग्ण बरे झाल्याने त्यांना घरी सोडण्यात आले.

गुरूवारी आढळलेल्या कोरोना रुग्णांमध्ये ग्रामीण भागात तळेगाव दाभाडे (ग्रामीण) व वाकसई येथे प्रत्येकी 03 रुग्ण सापडले, तर इंदोरी येथे 01 रुग्ण सापडला,असे एकूण 07 रुग्ण सापडले. दिलासादायक म्हणजे 26,447 जणांना आतापर्यंत डिस्चार्ज देण्यात आला आहे. मात्र, आतापर्यंत 523 रुग्णांचा मृत्यू झाला आहे.

तळेगाव नगरपरिषद हद्दीत सर्वाधिक 8,626, लोणावळा नगरपरिषद हद्दीत 4,464 व वडगाव नगरपंचायत हद्दीत 1359 रुग्ण सापडले आहेत. शहरी भागात 14,449 रुग्ण तर ग्रामीण भागात 12,717 रुग्ण आढळून आले आहेत. मात्र,
एकही रुग्णाची परिस्थिती गंभीर नाही. कोरोना रुग्ण बरे होण्याचा दर 97.35 टक्के आहे तर मृत्यू दर 1.93 टक्के आहे.

सद्यस्थिती तळेगाव दाभाडे नगरपरिषद मध्ये 93, लोणावळा नगरपरिषदमध्ये 15, वडगाव नगरपंचायतमध्ये 16 व ग्रामीण भागात 72 असे एकूण 196 रुग्ण आहेत.अशी माहिती तहसीलदार मधुसूदन बर्गे, तालुका आरोग्य अधिकारी डॉ. चंद्रकांत लोहारे व कोविड समन्वयक डॉ. गुणेश बागडे यांनी माहिती दिली.

MPCNEWS आता टेलीग्रामवर आहे. आमचं चॅनेल (@mpcnews1) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.