Mercedez Benz : दसऱ्याच्या मुहूर्तावर देशात 550 मर्सिडीज कारची विक्री
एमपीसी न्यूज – मर्सिडीज बेंझ या भारतातील सर्वात मोठ्या लक्झरी कार निर्माता कंपनीने नवरात्र आणि दस-याच्या मुहूर्तावर देशभरात विक्रमी गाड्यांची विक्री केली. कंपनीने 2019 ची पुनरावृत्ती करत दस-याच्या शुभ मुहूर्तावर 550 मर्सिडीज बेंझ कार विकल्या गेल्या.
मर्सिडीज बेंझच्या कारसाठी दिल्ली एनसीआर, मुंबई आणि गुजरात याठिकाणी ग्राहकांची जोरदार मागणी वाढली आहे. एकट्या दिल्लीमध्ये 175 नवीन मर्सिडीज-बेंझ कार विकल्या गेल्या. यामध्ये क्यू 3 या कारची सर्वाधिक मागणी असल्याचे दिसून आले आहे.
मर्सिडीज बेंझ इंडियाचे व्यवस्थापकीय संचालक व मुख्य कार्यकारी अधिकारी मार्टिन श्वेनक म्हणाले, या उत्सवाच्या हंगामात मर्सिडीज घरी नेणा-या आमच्या ग्राहकांच्या आकांक्षा व उत्सवांचे अनलॉक करुन आम्हाला आनंद झाला आहे.
वितरणांची ही प्रभावी संख्या आम्हाला चांगल्या उत्सवाच्या हंगामाबद्दल आत्मविश्वास देते आणि मर्सिडीज-बेंझ ब्रँड आणि उत्पादनांवर लक्झरी कार खरेदीदारांचा विश्वास आणि आत्मविश्वास ठामपणे अधोरेखित करते. हा विश्वास आजच्या बाजाराच्या परिस्थितीच्या संदर्भात अधिक स्पष्ट होतो असं मत त्यांनी व्यक्त केले.