पालकमंत्री गिरीष बापट यांनी राजीनामा द्यावा

पुणे शहर राष्ट्रवादी कॉंग्रेस, बापट यांच्या कृत्याचा नोंदवला निषेध, पदाचा गैरवापर केल्याप्रकरणी न्यायालयाने ठेवला ठपका

एमपीसी न्यूज – पुणे शहर राष्ट्रवादी कॉंग्रेस पक्षाच्या वतीने अन्नपुरवठा मंत्री तसेच पुणे जिल्ह्याचे पालकमंत्री गिरीष बापट यांनी आपल्या मंत्री पदाचा गैरवापर करुन कर्तव्यात कसुर केल्याप्रकरणी न्यायालयाने त्यांच्यावर ठपका ठेवला आहे. यासर्व प्रकारणातील दोषी गिरीष बापट यांच्या राजीनाम्याच्या मागणीसाठी आणि त्यांच्या या कृत्याचा निषेध करण्यासाठी शहराध्यक्ष चेतन तुपे पाटील यांच्या नेतृत्वाखाली लोकमान्य टिळक पुतळा, महात्मा फुले मंडई येथे आंदोलन करण्यात आले.

यावेळी प्रवक्ते अंकुश काकडे म्हणाले, पुणे शहराचे नाव खाली घालवण्याचे काम पालकमंत्र्यानी केले आहे. तुरडाळ घोटाळा, रेशन घोटाळा, आणि आता तर कोर्टाने त्यांच्या कार्यपध्दतीवरच ठपका ठेवला आहे. यासर्व गोष्टींची जबाबदारी स्विकारुन पालकमंत्री गिरीष बापट यांनी राजीनामा द्यावा.

मुख्यमंत्री पारदर्शक कारभाराचा आव आणतात आणि त्यांचे मंत्रीमंडळातील मंत्र्यावर न्यायालय कर्तव्यात कसुर केल्याचा ठपका ठेवत आहे.
हा कसला पारदर्शक कारभार?, मुख्यमंत्र्यानी त्यांच्या मंत्रीमंडळातील एका जेष्ठ मंत्र्यावर न्यायलयाने ठपका ठेवला म्हणून त्यांचा राजीनामा घेतात. आता मुख्यमंत्री अन्न आणि नागरी पुरवठा मंत्री गिरीष बापट यांचा राजीनामा घेणार का? पालकंंत्र्यानी त्यांचा कार्यकाल कायम त्यांच्या चुकीच्या कामामुळे चर्चेत ठेवला आहे. आता न्यायालयाने त्यांच्यावर ठपका ठेवला आहे, याची लाज बाळगुन अन्न आणि नागरी पुरवठा मंत्री गिरीष बापट यांनी राजीनामा द्यावा, अशी मागणी शहराध्यक्ष चेतन तुपे पाटील यांनी केली आहे.

यावेळी नगरसेवक वनराज आंदेकर, अशोक कांबळे, युवक अध्यक्ष राकेश कामठे, सामजिक न्याय विभागाचे अध्यक्ष विजय डाकले, ओ.बी.सी विभागाचे अध्यक्ष संतोष नांगरे, अल्पसंख्याक विभाग अध्यक्ष इक्बाल शेख, कसबा कार्याध्यक्ष गणेश नलावडे, शेख, कोथरूड अध्यक्ष स्वप्नील दुधाणे, सुनिल खाटपे, विजय खराडे, अजय दराडे, मृणालिनी वाणी, मनोज पाचपुते, माणिक दुधाणे, दादा सांगळे, बाबा पाटील, महेश हांडे, किशोर कांबळे,विशाल नाटेकर,संजय खोपडे,,बबलु जाधव,सागर, राष्ट्रवादी कॉंग्रेस पक्षाचे सर्व पदाधिकारी यांसह कार्यकर्ते उपस्थित होते.

MPCNEWS आता टेलीग्रामवर आहे. आमचं चॅनेल (@mpcnews1) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.