Moshi : डिफेन्स एक्स्पोमध्ये निबे लिमिटेडचा म्युनिशन्स इंडिया लिमिटेड सोबत करार
कंपनीने मॉड्युलर पुलासह अत्याधुनिक तंत्रज्ञानाने सुसज्ज असलेल्या नाविन्यपूर्ण उत्पादनांची विविध श्रेणी प्रदर्शित केली आहे. निबे लिमिटेडने डिफेन्स एक्स्पोमध्ये म्युनिशन्स इंडिया लिमिटेड (एमआयएल) सोबत छोट्या शस्त्रास्त्रांच्या निर्मितीसाठी करार केला.
संरक्षण क्षेत्रातील महत्वपूर्ण प्रणाली निर्माण करणारी निबे लिमिटेड(Moshi) ही अग्रगण्य कंपन्यांपैकी एक आहे. पुणे आंतरराष्ट्रीय प्रदर्शन आणि संमेलन केंद्रात महाराष्ट्र एमएसएमई डिफेन्स एक्स्पो 2024 च्या पहिल्या आवृत्तीत निबेने संरक्षण क्षमतेचे प्रात्यक्षिक दाखवले. संरक्षण क्षेत्रात भारताला स्वावलंबी बनवण्याच्या आपल्या ध्येयाशी जुळवून घेत या कार्यक्रमात प्रदर्शित करण्यात आलेल्या प्रोडक्ट लाईनमध्ये गुंतवणूकीला प्रोत्साहन देण्यासाठी डायनॅमिक फोरम स्थापन करण्याच्या ब्रँडच्या दृष्टिकोनावर प्रकाश टाकण्यात आला.
कार्यक्रमाचे उद्घाटन उपमुख्यमंत्री देवेंद्र फडणवीस यांच्या हस्ते झाले. यावेळी मंत्री उदय सामंत, चंद्रकांत पाटील, हर्षदीप कांबळे आदि उपस्थित होते. एअर चीफ मार्शल व्ही. आर. चौधरी यांनीही या प्रदर्शनाला भेट दिली. प्रदर्शनात 500 पेक्षा जास्त एमएसएमई सहभागी झाले आहेत. तसेच उद्घाटन समारंभासाठी 10 विद्यार्थी उपस्थित होते. आत्मनिर्भर भारतीय संरक्षण क्षेत्राची ताकद आणि दूरदृष्टी वाढवण्यासाठी निबे लिमिटेडने निर्यातीसाठी छोट्या शस्त्रास्त्रांच्या निर्मितीसाठी म्युनिशन्स इंडिया लिमिटेड (एमआयएल) सोबत करार केला. यावेळी एअर चीफ मार्शल विवेक राम चौधरी उपस्थित होते.
निबे लिमिटेडचे संस्थापक गणेश रमेश निबे म्हणाले, “निबे येथे आम्ही नाविन्यतेला चालना देण्यासाठी आणि संरक्षण क्षेत्रात भारताला आत्मनिर्भर बनवण्यासाठी वचनबद्ध आहोत. महाराष्ट्र एमएसएमई डिफेन्स एक्स्पो 2024 मध्ये आमचा सहभाग आमच्या क्षमतेवर प्रकाश टाकण्याची आणि या क्षेत्राच्या विकासात योगदान देण्याची संधी आहे. आमच्या मते एमएसएमई हे भारतातील संरक्षणाच्या उज्ज्वल भविष्याची गुरुकिल्ली आहे.”
प्रतिभा पूल, संशोधन आणि विकास, गुंतवणूक आणि ज्ञान सामायिकरणासह हे क्षेत्र असंख्य शक्यता धारण करते. या परिसंस्थेत तंत्रज्ञान हस्तांतरण आणि कौशल्य विकासाच्या महत्त्वपूर्ण भूमिकेची आपण दखल घेतली पाहिजे. धोरणात्मक पुढाकार आणि भागीदारीच्या माध्यमातून आम्ही एमएसएमई क्षेत्रात शाश्वत आणि मजबूत विकासाला पाठिंबा देण्यासाठी समर्पित असल्याचेही ते म्हणाले.
Pimpri : आत्मानंद देणाऱ्या व्हायोलिन वादन आणि गायनाने रंगले गानसरस्वती महोत्सवाचे सकाळचे सत्र
निबे लिमिटेडचे सीटीओ बालकृष्णन स्वामी म्हणाले, “मजबूत संशोधन आणि विकासाच्या माध्यमातून संरक्षण उद्योगाला बळकटी देण्याच्या दिशेने निबे यांचे समर्पण आम्ही तयार केलेल्या उत्पादनांच्या विस्तृत श्रेणीवरून स्पष्ट होते.
आमच्या सर्व उत्पादनांचा केंद्रबिंदू नाविन्य आहे आणि तज्ञांची देवाणघेवाण आणि संरक्षण उद्योगाच्या सध्याच्या उत्क्रांतीत योगदान देणे हे आमचे सुरुवातीपासूनचे उद्दिष्ट आहे. आम्ही अशा उपाययोजना विकसित करत राहण्याची आशा करतो ज्यामुळे विकासाला चालना मिळेल आणि एमएसएमई या प्रक्रियेत सहभागी होण्यासाठी वातावरण तयार होईल”
निबे लिमिटेडकडून मॉड्यूलर ब्रिज, पिनाका लाँचर, एमआरएसएएम, कॅनिस्टर, फिन, लहान शस्त्रे, मोर्टार शेल आणि प्रोपेलर आणि इतर संरक्षण साधने निबे लिमिटेडने सादर केली आहेत. तसेच इलेक्ट्रॉनिक व्हेईकल श्रेणीमध्ये चेसिसवर पॉवर ट्रेन, पॉवर ट्रेन डिफरन्शियल, मोटर, कंट्रोलर, गिअरबॉक्स, ई-रिक्षा, ई-सायकल, आणि कचरा ई-वाहन दाखवले.
