Most Expensive Sperm Whale Vomit : व्हेल माशांची उलटी सोने-हिऱ्यांपेक्षाही जास्त किमती!
एमपीसी न्यूज – व्हेल माशांच्या उलटीची म्हणजेच अंबरग्रीसची किंमत आंतरराष्ट्रीय बाजारात कोट्यवधी रुपयांच्या घरात पोहोचते. म्हणजेच सोने किंवा हिऱ्यांपेक्षाही हा पदार्थ किमती आहे.
चिंचवड येथील पूर्णानगरमध्ये व्हेल माशाच्या उलटीची तस्करी उघडकीस आली आहे. याप्रकरणी पुणे वनविभागाच्या वतीने कारवाई करत एका महिलेसह सहा जणांना ताब्यात घेतले आहे. आज (शनिवारी) दुपारच्या सुमारास हा प्रकार उघडकीस आला. आरोपींकडून व्हेल माशाची उलटी सदृष्य 3 किलोग्रॅम पदार्थ आणि एक कार जप्त करण्यात आली आहे. त्यामुळे या कोट्यवधींच्या घरात किंमत असणाऱ्या या पदार्थाविषयी शहर व परिसरातील नागरिकांमध्ये कमालीची उत्सुकता दिसून येत आहे.
हा पदार्थ एवढा किमती होण्यामागील कारणेही तशीच आहेत. हा पदार्थ समुद्रातून बाहेर काढण्यासाठी कित्येक महिने लागतात. खूप शोध घेतल्यानंतर ते मिळू शकतात. त्याचा वापर विशेष परफ्यूम बनवण्यासाठी केला जातो. या व्यतिरिक्त प्लेगच्या प्रतिबंधासाठी देखील याचा उपयोग केला जातो. यासह हे अनेक प्रकारच्या रोगांवरील औषधांमध्येही याचा वापर केला जातो.
