MPC News Quiz 3 : ‘देवीचा जागर प्रश्नमंजुषा – दिवस तिसरा… जिंका भगवती ज्वेलर्सच्या वतीने चांदीचा करंडा!

नवरात्रोत्सवाच्या काळात नऊ दिवस दररोज ही प्रश्नमंजुषा चालू राहील. mpcnews.in या आपल्या लोकप्रिय न्यूज पोर्टलवर गुगल फॉर्मच्या माध्यमातून दररोज तीन प्रश्न विचारण्यात येईल. तिन्ही प्रश्नांसाठी प्रत्येकी तीन पर्याय देण्यात येतील. दिलेल्या पर्यायांमधून अचूक पर्यायाची निवड करून स्पर्धकांनी फॉर्म आपले पूर्ण नाव, पत्ता व मोबाईल क्रमांक या माहितीसह सबमीट करायचा आहे.

या तिन्ही प्रश्नांची बरोबर उत्तरे देणाऱ्या स्पर्धकांमधून सोडत पद्धतीने एका भाग्यवान विजेत्याची निवड करून भाग्यवान विजेत्याला कुंकवाचा चांदीचा करंडा बक्षीस म्हणून देण्यात येईल. या स्पर्धेचा निकाल दररोज जाहीर करण्यात येईल व पारितोषिक वितरण दसऱ्यानंतर चिंचवड येथे एमपीसी न्यूजच्या कार्यालयात करण्यात येईल.

नवरात्रौत्सव साजरा करीत असताना देवीच्या विविध रुपांविषयी, देवीच्या विविध स्थानांविषयी, देवीच्या पराक्रमांविषयी, देवीमहात्म्याविषयी, देवीच्या विविध कथांविषयी माहिती व्हावी, त्याविषयी अधिक जाणून घेण्यासाठी लोकांनी अभ्यास करावा, या उद्देशाने ‘देवीचा जागर’ हा उपक्रम हाती घेण्यात आला आहे, असे एमपीसी न्यूजचे मुख्य संपादक विवेक इनामदार यांनी सांगितले.

या स्पर्धेत सर्व (MPC News Quiz 3) वयोगटातील, मुले-मुली, स्त्री-पुरुष, ज्येष्ठ नागरिक सहभागी होऊ शकतात. केवळ पुणे व पिंपरी-चिंचवड परिसरातीलच नव्हे तर संपूर्ण जगभरातून कोणीही या स्पर्धेत भाग घेऊ शकतो. एकाच कुटुंबातील एक किंवा अनेक सदस्य देखील सहभागी होऊ शकतात.

प्रत्येक दिवसाच्या प्रश्नांची सर्व उत्तरे अचूकपणे देणारे स्पर्धकच पारितोषिकासाठी पात्र ठरतील. पात्र स्पर्धकांच्या नावांमधून सोडत पद्धतीने दररोज एका भाग्यवान विजेत्याची निवड करण्यात येईल. या सर्व निवड प्रक्रियेसाठी संगणक प्रणालीचा वापर करण्यात येणार आहे.

या स्पर्धेत जास्तीत जास्त स्पर्धकांनी सहभागी होऊन नवरात्रौत्सवात दररोज देवीचा जागर करावा, असे आवाहन भगवती ज्वेलर्सच्या वतीने करण्यात आले आहे.

स्पर्धेसाठी पत्रकार प्रभाकर तुमकर यांनी प्रश्न संकलन केले असून भीम मागाडे यांचे तांत्रिक सहाय्य लाभले आहे.