Mumbai : लॉकडाऊन शिथिल झाल्यानंतर शार्दुल ठाकूरने सुरू केला गोलंदाजीचा मैदानी सराव
Mumbai: Shardul Thakur becomes first Indian cricketer to resume outdoor training after corona lockdown
कोरोना विषाणूचा प्रादुर्भाव सर्व ठिकाणी थैमान घालत असताना जगात सर्वच ठिकाणी सर्वच खेळ अनिश्चित काळासाठी रद्द करण्यात आले आहेत. IPL सह इतर सामने पुढे ढकलण्यात आले आहेत. भारतात सुद्धा कोरोनाचे संकट पाहता सर्व गोष्टी ठप्प झाल्या आहेत. चौथ्या लाॅकडाऊनची नियमावली जाहीर करताना महाराष्ट्र सरकारने ग्रीन व ऑरेन्ज झोन मधील मैदाने वयक्तिक सरावासाठी खुली करण्याचा निर्णय घेतला आहे.
त्यामुळे पालघर जिल्ह्यातील भोईसर येथील एका शार्दुल ठाकूर सराव करताना दिसून आला. पीटीआय या वृत्त संस्थेने दिलेल्या माहितीनुसार, शार्दुल म्हणाला दोन महिन्यांनंतर मैदानावर सराव करण्याचा आनंद वेगळा होता. मैदानावर सराव करण्याच्या पूर्वी खेळाडूंचे तापमान तपासणी करण्यात आली तसेच प्रत्येक खेळाडूला टाकण्यासाठी वेगवेगळा चेंडू दिला होता आणि त्या चेंडूचे निर्जंतुकीकरण करण्यात आले होते.
विराट कोहली, रोहित शर्मा आणि शिखर धवन हे सध्या लाॅकडाऊनच्या काळात स्वत:ला तंदुरुस्त ठेवण्यासाठी घरीच व्यायाम करत आहेत. हे खेळाडू सुद्धा मैदानावर सराव करण्याच्या प्रतीक्षेत आहेत. मोहम्मद शमीने काही दिवसांपूर्वी आपल्या शेतात सराव करतानाचा व्हिडिओ सोशल मीडियाच्या माध्यमातून शेअर केला होता.
