Mumbai :’धकधक गर्ल’ने पोस्ट केला लहानपणीचा बहिणीसोबतचा फोटो
अगदी लहान वयात ‘अबोध’ या चित्रपटातून पदार्पण करणा-या माधुरीला लोकप्रियता मिळाली ती ‘तेजाब’ या चित्रपटाने. त्यातले तिचे ‘एक दो तीन’ हे गाणे प्रचंड पॉप्युलर झाले. त्यानंतर तिने मागे वळून बघितलेच नाही.
अशा या ‘धकधक गर्ल’ने नुकताच आपल्या बहिणीसोबतच एक थ्रोबॅक फोटो पोस्ट केला. माधुरीची बहीण रुपा हीदेखील तिच्याइतकीच सुंदर आहे आणि नृत्यनिपुण देखील आहे.
माधुरी सोशल मीडियावर सक्रीय असून बऱ्याच वेळा ती फोटो, व्हिडीओजच्या माध्यमातून तिच्या आयुष्यातील अनेक गोष्टी चाहत्यांसोबत शेअर करत असते. यात तिच्या कुटुंबीयांचे फोटो, तिच्या डान्सचे व्हिडीओ यांचाही समावेश असतो. या फोटोत ती आणि तिची बहिणी डान्स करताना दिसत आहेत.
लग्नानंतर अमेरिकेत सेटल झालेली पुढे काही वर्षांनी भारतात परतली, त्यानंतर तिने काही हिंदी चित्रपट केल्यावर मराठी चित्रपट निर्माण करुन त्यात अभिनयदेखील केला.
