Mumbai: बाल योद्धयाला झालेला मानवतेचा ‘स्पर्श’ मनाला खूप प्रोत्साहित करणारा – मुख्यमंत्री

एमपीसी न्यूज – स्पर्श गौरव सागरवेकर (वय 12)  गिरगावचा राहणारा,  खेळणीसाठी साठवलेले 3257 रुपये स्पर्शने मुख्यमंत्री सहाय्यता निधीत जमा केले आणि बाल योद्धा म्हणून कोरोना विषाणूविरुद्धच्या लढ्यात आपला सहभाग नोंदवला. बालमनाला झालेला हा “मानवतेचा स्पर्श” मनाला खूप प्रोत्साहन देणारा तसेच या युद्धाशी नेटाने लढण्यासाठी बळ देणारा असल्याचे मुख्यमंत्री उद्धव ठाकरे यांनी म्हटले आहे.

वाढदिवसाच्या निमित्ताने मिळालेल्या पैशातून स्पर्शने गरजूंना 100 किलो साखरेचे वाटप केल्याचेही त्याने कळवले आहे.  अशी संस्कारक्षम मुले आणि त्यांना घडवणारे पालक यांचे कौतुक करावे तेवढे थोडेच आहे. या सह्दय मदतीबद्दल मी सर्वांचा मनापासून आभारी आहे.  या बालभावनेला मला मनापासून सलाम करावा वाटतो अशी प्रतिक्रिया मुख्यमंत्री ठाकरे यांनी दिली आहे.

दरम्यान,  आतापर्यंत मुख्यमंत्री सहाय्यता निधीत 338.11 कोटी रुपयांची रक्कम जमा झाली आहे.

सढळ हाताने मदत करा

राज्यशासन आज अनेक पातळीवर कोरोना विषाणुविरुद्ध लढत आहे.  अशा परिस्थितीत मुख्यमंत्री सहाय्यता निधीत देणगीची रक्कम जमा करून शासनाला सहकार्य करणारे सर्व हात अनमोल आहेत. ज्यांना मुख्यमंत्री सहाय्यता निधीत रक्कम जमा करून या कामात सहभागी व्हायचे आहे त्यांच्यासाठी मदत जमा करण्याबाबतची माहिती खालीलप्रमाणे आहे.

इंग्रजीत-

Chief Minister’s Relief Fund-COVID 19
Savings Bank Account number 39239591720
State Bank of India,
Mumbai Main Branch,
Fort Mumbai 400023
Branch Code 00300
IFSC CODE- SBIN0000300

मराठीत-

मुख्यमंत्री  सहाय्यता निधी-कोविड 19
बँकेचे बचत खाते क्रमांक- 39239591720
स्टेट बँक ऑफ इंडिया,
मुंबई मुख्य शाखा, फोर्ट, मुंबई 400023
शाखा कोड 00300
आयएफएससी कोड SBIN0000300

सदर देणग्यांना आयकर अधिनियम 1961 च्या 80 (G) नुसार आयकर कपातीतून 100 टक्के सूट देण्यात येते.  या खात्यात सढळ हाताने मदत करावी असे आवाहन मुख्यमंत्र्यांनी केले आहे.

MPCNEWS आता टेलीग्रामवर आहे. आमचं चॅनेल (@mpcnews1) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.