Pimpri News: राष्ट्रीय पल्स पोलिओ मोहिम लांबणीवर

0
_MPC_DIR_MPU_IV

एमपीसी न्यूज – केंद्रीय आरोग्य व कुटुंब कल्याण मंत्रालयाच्या सुचनेनुसार पिंपरी-चिंचवड शहरातील राष्ट्रीय पल्स पोलिओ लसीकरण मोहिम येत्या (रविवारी) होणार नाही. ती पुढे ढकलण्यात आलेली आहे. राष्ट्रीय पल्स पोलिओ लसीकरण मोहिमेची पुढील तारीख प्राप्त झाल्यानंतर कळविण्यात येईल असे, महापालिकेच्या वैद्यकीय विभागाने सांगितले.  

शासन आदेशानुसार राष्ट्रीय पल्स पोलिओ लसीकरण मोहिम 17 जानेवारी 2021 रोजी आयोजित करण्यात आलेली होती. परंतु, 17 जानेवारी 2021 रोजी होणारी पल्स पोलिओ लसीकरण मोहिम पुढील सूचना येईपर्यंत पुढे ढकलण्यात येत आहे. अशी माहिती भारत सरकारच्या आरोग्य व कुटुंब कल्याण मंत्रालयाच्या लसीकरण विभागाचे सल्लागार प्रदिप हलदार यांनी 9 जानेवारी 2021  रोजीच्या परिपत्रकाव्दारे दिली आहे.

त्यामुळे शासन आदेशानुसार पिंपरी-चिंचवड शहरातील राष्ट्रीय पल्स पोलिओ लसीकरण मोहिम 17 जानेवारी 2021 रोजी होणार नसून ती पुढे ढकलण्यात आलेली आहे. शासनाकडून राष्ट्रीय पल्स पोलिओ लसीकरण मोहिमेची पुढील तारीख प्राप्त झाल्यानंतर प्रसिध्दी पत्रकाव्दारे कळविण्यात येईल.

MPCNEWS आता टेलीग्रामवर आहे. आमचं चॅनेल (@mpcnews1) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.