Pune: महामेट्रो म्हणजे भ्रष्टाचाराचे कुरण : दीपक मानकर यांचा हल्लाबोल

मेट्रोच्या कामामुळे सर्वसामान्य पुणेकर वैतागले आहेत. तासनतास वाहतूक कोंडीचा सामना कराव लागत आहे. कोठून भाजपची पुणे महापालिके सत्ता दिली, याचा पुणेकरांना पच्छताप होतोय. तसेच, सावित्रीबाई फुले यांनी शिक्षण देण्याचे काम केले, तो भिडेवाडा तातडीने राष्ट्रीय स्मारक करा. मी आता गॉगल वरून चष्मावर आलोय. आता माझे डोळे बंद व्हायला लावू नका, त्याआधी शिवसृष्टी करा, अशी आग्रही मागणी मानकर यांनी केली. माजी मुख्यमंत्री देवेंद्र फडणवीस यांनी मुंबईत बैठक घेऊन 15 दिवसात शिवसृष्टी करणार असल्याचे सांगितले होते. त्या बैठकीला महापौर मुरलीधर मोहोळ, सभागृह नेते श्रीनाथ भिमाले, काँग्रेसचे गटनेते अरविंद शिंदे उपस्थित होते. त्यांनतर भाजप नगरसेवकांनी विजयाचे फेटे घातले होते. तरीही शिवसृष्टीसाठी लागणाऱ्या चांदनी चौकातील जागेचे संपादन झाले नाही.

आता 26 कोटी शिवसृष्टीसाठी टाकले. छत्रपतीच्या नावाने राजकारण करता, ही जागा ताब्यात का आली नाही, महापौर आपण मावळे आहात, ही शिवसृष्टी करण्याचा संकल्प करा,असे आवाहनही त्यांनी केले. आम्ही किती वेळा शिवसृष्टीची मागणी करायची.

5 ते 6 वर्षानंतर बजेटचीच विक्री करावी लागेल. स्थायी समिती सदस्यांना 12 – 12 कोटी वाटले. त्यातील 2 – 2 कोटी शहरी – गरीब योजनेला द्या. अनेक गोरगरीब वैद्यकीय सोयीसुविधा पासून वंचित आहेत. अटलजींच्या नावाने महाविद्यालय उभारण्यासाठी प्रस्ताव नीट गेला नाही.अहमदाबाद च्या धर्तीवर हॉस्पिटल करायचे आहे, केवळ योजना जाहीर केल्या पण, अंमलबजावणी होत नसल्याचा हल्लाबोल दीपक मानकर यांनी भाजपवर केला.