Pune Corona Update: पुणे शहरात नवे 406 रुग्ण ; 320 जणांना डिस्चार्ज
New 406 corona patients in Pune city; 320 persons discharged.
एमपीसी न्यूज : पुणे शहरात आज दिवसभरात नव्याने 406 रुग्ण आढळले असून रुग्णांची संख्या दुप्पट होऊ लागली आहे. आज 320 रुग्णांना घरी सोडण्यात आले आहे.
तर ॲक्टिव्ह रुग्णांची संख्या 5 हजार 401 इतकी आल्यामुळे संसर्ग दर स्थिर आहे. विशेष म्हणजे दिवसभरात 2 रुग्णांचा मृत्यू झाला आहे, अशी माहिती पुणे महापालिकेच्या आरोग्य विभागाकडून देण्यात आली.
आत्तापर्यंत 1 लाख 59 हजार 014 करोनातून बरे झालेल्या रुग्णांना डिस्चार्ज दिला गेला आहे. त्यामधील एकूण 413 रुग्णांची स्थिती गंभीर असून 249 जण व्हेंटिलेटरवर उपचार घेत आहेत.
दरम्यान, शहर आणि उपनगरातील क्षेत्रीय कार्यालय स्तरावर ‘माझे कुटुंब माझी जबाबदारी’ मोहीमे अंतर्गत घरोघरी जाऊन नागरिकांची तपासणी आरोग्य विभागाच्या पथकांद्वारे केली जात आहे. तरीही नागरीकांनी मास्क, हँड सॅनिटायजर आणि सोशल डिस्टंन्सिग नियमांचे पालन करावे.
तसेच सौम्य ते तीव्र लक्षणे आढळल्यास तातडीने अँटीजेन, स्वॅब टेस्टींग करून खबरदारी घ्यावी. तसेच नजिकच्या डॉक्टरकडून औषधोपचार सुरू करण्याचे आवाहन महापालिका प्रशासनाकडून केले जात आहे.
