_MPC_DIR_MPU_III

Nigdi : त्रिवेणीनगर चौकातील वाहतूक कोंडी सोडविण्यासाठी ग्रेडसेपरेटर बांधण्याची मागणी

एमपीसी न्यूज – स्पाईन रस्त्यावरील त्रिवेणीनगर चौक हा पुणे-मुंबई महामार्ग आणि पुणे-नाशिक महामार्ग यांना जोडणारा आणि पिंपरी-चिंचवड औद्योगिक परिसर आणि तळवडे, चाकण आद्योगिक परिसराला जोडणारा आहे. त्यासाठी सुरक्षित वाहतूक आणि सुरळीत दळणवळणासाठी त्रिवेणीनगर चौकात ग्रेडसेपरेटर बांधण्याची मागणी केली जात आहे.

_MPC_DIR_MPU_IV
_MPC_DIR_MPU_II

स्पाईन रस्त्यावरील त्रिवेणीनगर चौक जंक्शन ठरू लागला आहे. पुणे-मुंबई महामार्ग आणि पुणे-नाशिक महामार्ग या दोन महामार्गांना जोडणारा चौक आहे. त्यासोबत पिंपरी-चिंचवड महापालिका हद्दीला लागून विकसित -झालेल्या चाकण एमआयडीसी, तळवडे आयटी पार्कला जाण्यासाठी नागरिकांना, तसेच दोन्हीकडील कारखानदारांसाठी हा मार्ग महत्त्वपूर्ण आहे. या चौकातून असंख्य माल वाहतूक करणा-या वाहनांची वर्दळ असते. यामुळे या रस्त्यावरून रोजच प्रवास करणा-या नागरिक, विद्यार्थी व ज्येष्ठ मंडळींना त्रास सहन करावा लागतो.

अपघात होण्याचे प्रमाण दिवसेंदिवस वाढत आहे. शहरवासियांची गरज लक्षात घेता महापालिकेने या ठिकाणी ग्रेडसेपरेटर बांधण्याचे नियोजन करावे, अशी मागणी नगरसेवक उत्तम केदळे व नगरसेविका कमल घोलप यांनी महापालिका आयुक्त श्रावण हर्डीकर यांच्याकडे निवेदनद्वारे केली आहे.

_MPC_DIR_MPU_I

MPCNEWS आता टेलीग्रामवर आहे. आमचं चॅनेल (@mpcnews1) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.