Nishikant Kamat Passed Away : ‘डोंबिवली फास्ट’, ‘दृष्यम’चे दिग्दर्शक निशिकांत कामत यांचे निधन
हैदराबादमधील खासगी रुग्णालयात त्यांच्यावर उपचार सुरू होते. : Nishikant Kamat, director of 'Dombivali Fast' and 'Drushyam' has passed away
एमपीसी न्यूज – ‘डोंबिवली फास्ट’ ‘मुंबई मेरी जान’, ‘दृश्यम’, ‘फोर्स’, ‘मदारी’ यांसारख्या बॉलिवूड चित्रपटांचे मराठमोळे दिग्दर्शक निशिकांत कामत (50) यांचे निधन झाले.
हैदराबादमधील खासगी रुग्णालयात त्यांच्यावर उपचार सुरू होते. गेल्या काही दिवसांपासून त्यांना यकृताचा आजार होता, दुखणं पुन्हा एकदा बळावल्यामुळे त्यांना रुग्णालयात दाखल करण्यात आलं होतं.
निशिकांत कामतचा मृत्यू झाला आहे, अशी सोशल मीडियावर चर्चा होती पण सध्या ते आयसीयूमध्ये आहेत असं हॉस्पिटलने सांगितलं होत. अभिनेता रितेश देशमुख याने सुद्धा त्यांच्या मृत्यूची बातमी खोटी असून त्यांच्यासाठी प्रार्थना करण्यची विनंती केली होती.
मात्र, रितेश देशमुख याने स्वत:च याची माहिती देत ‘तुझी खूप आठवण येईल’ असे ट्वीट करत निशिकांत कामत यांच्या निधनाच्या बातमीला दुजोरा दिला आहे.
I will miss you my friend. #NishikantKamat Rest In Peace. 🙏🏽 pic.twitter.com/cqEeLbKJPM
— Riteish Deshmukh (@Riteishd) August 17, 2020
अभिनेता अजय देवगन याने देखील त्यांना श्रद्धांजली वाहिली असून जुन्या आठवणींना उजाळा दिला आहे.
My equation with Nishikant was not just about Drishyam, a film which he directed with Tabu and me. It was an association that I cherished. He was bright; ever-smiling. He has gone too soon.
RIP Nishikant 🙏— Ajay Devgn (@ajaydevgn) August 17, 2020
दृष्यम, मदारी, मुंबई मेरी जान यांसारख्या अनेक हिंदी चित्रपटातून निशिकांत कामत यांनी आपला ठसा बॉलिवूडमध्ये उमटवला आहे.
त्याआधी डोंबिवली फास्ट या चित्रपटाचं दिग्दर्शन केल्यानंतर निशिकांत कामत हे नाव सर्व महाराष्ट्राला परिचीत झालं.
डोंबिवली फास्ट चित्रपटाला राष्ट्रीय पुरस्कार मिळाला होता. याव्यतिरीक्त जॉन अब्राहमच्या रॉकी हँडसम चित्रपटात निशिकांत कामत यांनी खलनायकाची भूमिका केली होती.