Nrusinha Jayanti : माऊलींच्या मंदिरात चंदन उटीतून साकारला नृसिंह अवतार
एमपीसी न्यूज – श्रीक्षेत्र आळंदी येथील श्री संत ज्ञानेश्वर महाराज संजीवन समाधीवर नृसिंह जयंतीनिमित्त (Nrusinha Jayanti) चंदन उटीतून ‘श्रीं’चे भव्य नृसिंह अवतारातील वैभवी रूप साकारण्यात आले होते. श्रीचे वैभवी रूप पाहण्यास आळंदी मंदिरात भाविकांनी दर्शनास गर्दी केली.
श्री नृसिंह जन्मोत्सवानिमित्त आळंदीतील श्री नृसिंह सरस्वती स्वामी महाराज मठात देखील विविध धार्मिक कार्यक्रम झाले. परंपरेने श्री स्वामी महाराज यांचे संजीवन समाधीवर श्रीक्षेत्रपाध्ये श्रींचे पुजारी माजी नगराध्यक्ष सुरेश गांधी, सुधीर गांधी, नितीन गांधी, मुकुंद गांधी परिवाराने परंपरेने परिश्रम पूर्वक श्रींची वैभवी व लक्षवेधी चंदन उटी श्री नृसिंह अवतार स्वामी महाराज मठात साकारली.
Dagadusheth Ganpati: दगडूशेठ गणपती मंदिरात सोमवारी ‘शहाळे महोत्सव’
परंपरेनुसार मंदिरात प्रथम घंटानाद, काकडा, श्रींना पवमान अभिषेक व दुधारती झाली. श्रीनृसिंह जन्मोत्सवानिमित्त श्रींना वैभवी पोशाख करण्यात आला. जन्मोत्सव कीर्तन, आरती, महानैवेद्य, प्रसाद वाटप, मानकरी यांना नारळ प्रसाद वाटप करण्यात आला. चैत्र शुद्ध पाडव्यापासून मृग नक्षत्रापर्यंत माऊलींच्या संजीवन समाधीस नियमित चंदन उटी लेप लावण्यात येतो. गुढीपाडवा, रामनवमी, अक्षय तृतीया, नरसिंह जयंती आदी सणांप्रसंगी समाधीस चंदन लेपात विविध अवतार रूपातील पूजा बांधण्यात येतात, अशी माहिती व्यवस्थापक माऊली वीर यांनी दिली.