Old Pune-Mumbai Highway : लोणावळा ते खंडाळादरम्यान जुन्या महामार्गावर गुरूवारी वाहतूक बंद राहणार
एमपीसी न्यूज – जुन्या पुणे- मुंबई महामार्गावर लोणावळा ते खंडाळा दरम्यान गुरूवारी (दि. 4) दुपारी 1 ते 1.30 च्या दरम्यान वाहतूक बंद राहणार आहे. खंडाळ्यातील बॅटरी हील येथे ट्रेलर उलटला असून, तो बाहेर काढण्यासाठी या मार्गावरील वाहतूक थांबविण्यात येणार आहे.
महामार्ग वाहतूक विभागाने दिलेल्या माहितीनुसार, वाहतूक बंद असताना या कालावधीत लोणावळा येथून जुन्या मार्गाने पुणे-मुंबई लेन आणि बोरघाट येथून मुंबई-पुणे लेन अशी दोन्ही बाजुची वाहतूक ‘एक्सप्रेस वे’ने वळविण्यात येणार आहे.
काम संपल्यानंतर थांबवलेली वाहने सोडण्यात येतील. गुरूवारी जुन्या पुणे- मुंबई महामार्गावर प्रवास करणा-या प्रवाश्यांनी याची दखल घ्यावी, असे आवाहन वाहतूक विभागाने केलं आहे.