Pimpri : स्वाईन फ्ल्यूने आणखी एका महिलेचा मृत्यू
एमपीसी न्यूज – स्वाईन फ्ल्यूने आणखी एका रुग्णाचा मृत्यू झाला आहे. पिंपरी-चिंचवड शहरात जानेवारी ते सप्टेंबर या कालावधीत स्वाईन फ्ल्यूने 24 रुग्णांचा मृत्यू झाला आहे. सध्या शहरातील विविध रुग्णालयांमध्ये 26 रुग्णांवर उपचार सुरु आहेत.
चाकण येथील 35 वर्षीय महिलेला स्वाईन फ्ल्यूची लक्षणे आढळल्यावरून शुक्रवारी (दि. 14) शहरातील एका खाजगी रुग्णालयात दाखल करण्यात आले. स्वाईन फ्ल्यूचा त्रास वाढल्याने त्यांना त्याच दिवशी कृत्रिम श्वासोच्छ्वासावर ठेवण्यात आले. रविवारी (दि. 16) त्यांना स्वाईन फ्ल्यू झाल्याचे निष्पन्न झाले. परंतु उपचार सुरु असताना मंगळवारी (दि. 25) त्यांचा मृत्यू झाला.
स्वाईन फ्ल्यूची लक्षणे आढळताच तात्काळ उपचारासाठी रुग्णालयात भरती करावे, तसेच डॉक्टरांचा वेळीच सल्ला घ्यावा. नागरिकांनी योग्य ती खबरदारी घ्यायला हवी, असे आवाहन आरोग्य विभागाकडून करण्यात येत आहे.
