Pimple Gurav : पिंपळेगुरव, सुदर्शननगर चौकातील ग्रेड सेपरेटर कामाचे आमदार लक्ष्मण जगताप यांच्या हस्ते उद्घाटन

एमपीसी न्यूज  – पिंपळेगुरव येथील सुदर्शननगर चौकात उभारण्यात येणाऱ्या ग्रेड सेपरेटरच्या कामाचे भाजप शहराध्यक्ष व आमदार लक्ष्मण जगताप यांच्या हस्ते भूमीपूजन करण्यात आले. याठिकाणी सुमारे 28 कोटी रुपये खर्चून 334 मीटर लांब आणि 26.40 मीटर रुंदीचा ग्रेड सेपरेटर उभारण्यात येणार आहे. गेल्यावर्षी स्थायी समितीत सदस्या निर्मला कुटे यांनी पाठपुरावा करून या कामांकरिता निधी मंजूर करून घेतला होता.

यावेळी स्थायी समिती सभापती ममता गायकवाड, नगरसेविका उषा मुंढे, चंदा लोखंडे, निर्मला कुटे, नगरसेवक शशिकांत कदम, सागर अंघोळकर, समाजिक कार्यकर्ते अरुण पवार, मुकेश पवार, शंकर जगताप, शशिकांत दुधारे, रमेश काशीद, आशीष जाधव, खडसे, बाळासाहेब धावणे, फिरके, नवनाथ भिडे, शिवजी निम्हण, माऊली जगताप, सुदर्शन नगर मित्र मंडळाचे कार्यकर्ते आणि नागरिक उपस्थित होते.

नाशिक फाटा ते कोकणे चौक दरम्यान जोडणाऱ्या बीआरटीएस मार्गावर सुदर्शननगर चौकात हे ग्रेड सेपरेटर उभारण्यात येणार आहे. हा बीआरटीएस मार्ग 45 मीटरचा असून, हा रस्ता हिंजवडीतील आयटी पार्कला जोडणारा आहे. त्यामुळे या रस्त्यावर मोठ्या प्रमाणात वाहनांची ये-जा असते. परिणामी सुदर्शननगर चौकात वाहतूककोडीं होते. हा चौक सिग्नल फ्री करण्याच्या उद्देशाने सुदर्शननगर चौकात ग्रेड सेपरेटर उभारण्यात येणार आहे. त्यामुळे या चौकातील वाहतूक सुरळित होऊन वाहनचालकांचा वेळ आणि इंधनाची बचत होणार आहे. ग्रेडसेपरेटर उभारण्याच्या कामासाठी 2 वर्षांची मुदत देण्यात आली आहे.

MPCNEWS आता टेलीग्रामवर आहे. आमचं चॅनेल (@mpcnews1) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.