Pimpri News : पिंपरी-चिंचवड येथील मागासवर्गीय मुलींचे शासकीय वसतिगृहात प्रवेश प्रकियेला सुरुवात
एमपीसी न्यूज : पिंपरी-चिंचवड सेक्टर 4 (Pimpri News) येथील मागासवर्गीय मुलींचे शासकीय वसतिगृहात विनामूल्य प्रवेश देण्याची प्रक्रिया सुरु करण्यात आली आहे.
2022-23 या शैक्षणिक वर्षाकरीता अनुसूचित जाती, अनाथ आदी प्रवर्गातील पुणे-पिंपरी-चिंचवड, मोशी प्राधिकरण परिसरातील शैक्षणिक संस्थांमध्ये इयत्ता 11 वी आणि व्यावसायिक अभ्यासक्रमाच्या पहिल्या वर्षात प्रवेश घेतलेल्या बाहेरगावच्या विद्यार्थीनींनी अर्ज भरण्याकरिता वसतिगृहात जावून नोंद करावी.
या वसतिगृहामध्ये प्रवेशितांना विनामूल्य निवास व भोजन, पुस्तके, स्टेशनरी आदीकरीता शासनाने ठरवून दिलेल्या दराची रक्कम, दरमहा निर्वाह भत्ता 900 रुपये विद्यार्थ्याच्या आधार संलग्न बचत खात्यावर जमा करण्यात येते.
Maval : राष्ट्रीय कुंगफू स्पर्धेत इंद्रायणी महाविद्यालयाच्या सिया लक्ष्मण चिमटेला सुवर्ण
विद्यार्थीनी बाहेरगावची परंतु पुणे, पिंपरी-चिंचवड, मोशी प्राधिकरण येथील महाविद्यालयात शिक्षण घेणारी असावी. प्रवेशासाठी मागील वर्षात उत्तीर्ण झाल्याबाबतची गुणपत्रिका, प्राधिकृत अधिकाऱ्याच्या स्वाक्षरीचे जात प्रमाणपत्र, वडिलांचे उत्पन्न प्रमाणपत्र, अधिवास प्रमाणपत्र, (Pimpri News) चालू महिन्याचे महाविद्यालयाचे बोनाफाईड प्रमाणपत्र, विद्यार्थी व पालकाचे आधारकार्ड, शिधापत्रिकेची छायांकित प्रत, महाविद्यालय प्रत्यक्ष सुरु असल्याबाबत प्राचार्य यांचे लेटरहेडवर लेखी हमीपत्र या कागदपत्रांची आवश्यकता असल्याची माहिती वसतिगृहाचे अधीक्षक पी. व्ही. आंबले यांनी दिली आहे.
