Pimpri: जैव वैद्यकीय कचरा प्रकल्प उभारणीसाठी निविदा प्रकिया राबवा – अण्णा बनसोडे
Conduct tender process for setting up of biomedical waste project - Anna Bansode
याबाबत आयुक्त श्रावण हर्डीकर यांना दिलेल्या निवेदनात आमदार बनसोडे यांनी म्हटले आहे की, शहरातील खासगी आणि शासकीय रुग्णालये व दवाखान्यामधून निर्माण होणारा जैव वैद्यकीय कचरा गोळा करताना मोठा भ्रष्टाचार सुरु आहे.
हा प्लांट मोशी येथे स्थलांतर करून 15 वर्षे एवढ्या दीर्घ मुदतीने संचालणासाठी त्याच ठेकेदार कंपनीस देण्याचा उद्देश काय? पारदर्शक व स्पर्धात्मक निविदा प्रक्रिया न राबविता करारनाम्यातील अटी शर्तीचा व शब्द रचनेचा फायदा घेऊन प्रशासनाने हा प्रस्ताव स्थायी व महासभेत समोर ठेवण्याचा हेतू काय? निविदा प्रक्रिया न राबविल्याने पालिकेचा काय व किती फायदा होणार आहे हे शहरातील नागरिकांना अवगत करावे? असा खुलासा आमदार बनसोडे यांनी मागविला आहे.
भाजपाच्या एका वरिष्ठ नेत्याचा या प्रकरणी दबाव असल्याची चर्चा प्रशासकीय यंत्रणेत आहे. पालिका प्रशासनाने अशा प्रकारे शासनास अंधारात ठेऊन स्पर्धात्मक निविदा प्रक्रिया न राबविता ठेकेदारास काम देणे योग्य नाही.