Pimpri : काँग्रेसने मागविले विधानसभा इच्छुकांचे अर्ज
6 जुलै पर्यंत अर्ज करण्याचे आवाहन
एमपीसी न्यूज – विधानसभेच्या निवडणुका ऑक्टोबर 2019 मध्ये होणार आहेत. या निवडणुकांमध्ये पिंपरी, चिंचवड व भोसरी विधानसभा मतदारसंघातून काँग्रेसच्या उमेदवारीवर निवडणूक लढण्यास इच्छुक उमेदवारांनी पक्षाकडे अर्ज करावेत. 6 जुलैपर्यंत अर्ज करण्याचे आवाहन शहराध्यक्ष सचिन साठे यांनी केले आहे.
इच्छुक उमेदवारांसाठी छापील उमेदवारी अर्ज संत तुकारामनगर, पिंपरी येथील शहर काँग्रेसच्या कार्यालयात उपलब्ध आहेत. भरलेले अर्ज 6 जुलै 2019 पर्यंत प्रदेश काँग्रेस कमिटी कार्यालय मुंबई येथे पोस्ट, ईमेल, कुरिअर, फॅक्स अथवा प्रत्यक्ष जमा करायचे आहेत.
या अर्जासोबत सर्वसाधारण वर्गातील उमेदवारासाठी रुपये 15000/- (रुपये पंधरा हजार फक्त) आणि मागासवर्गीय उमेदवारासाठी रुपये 10000/- (रुपये दहा हजार फक्त) पक्षनिधी म्हणून ‘डीडी’व्दारे प्रदेश कार्यालयाकडे जमा करावेत, अशीही माहिती प्रदेश काँग्रेसचे अध्यक्ष अशोक चव्हाण यांच्या सूचनेवरून सरचिटणीस अॅड. गणेश पाटील यांनी दिली आहे.
