Pimpri Corona Update : शहरात आज 2 हजार 49 नवीन रुग्णांची नोंद, 87 मृत्यू

एमपीसी न्यूज – पिंपरी-चिंचवड शहराच्या विविध भागातील 2 हजार 6 आणि महापालिका हद्दीबाहेरील 43 अशा, 2 हजार 49 नवीन कोरोना बाधित रुग्णांची आज (शुक्रवारी) नोंद झाली आहे. तर, 87 जणांचा मृत्यू झाला.

उपचाराला दहा दिवस पूर्ण झालेल्या आणि कोणतीही लक्षणे नसलेल्या 2482 जणांना डिस्चार्ज देण्यात आला आहे. शहरातील 46 आणि महापालिका हद्दीबाहेरील 41 अशा 87 जणांचा आज मृत्यू झाला. त्यात 64 पुरुष आणि 23 महिला रुग्णांचा समावेश आहे.

शहरात आजपर्यंत 2 लाख 10 हजार 423 जणांना कोरोनाची लागण झाली आहे. त्यातील 1 लाख 85 हजार 568 जण बरे होऊन घरी गेले आहेत. शहरातील 2926 जणांचा तर शहराबाहेरील परंतू महापालिका रूग्णालयात उपचार घेणार्‍या 1439 अशा 4 हजार 365 जणांचा आजपर्यंत कोरोनामुळे मृत्यू झाला.

सध्या 8 हजार 371 सक्रीय रूग्णांवर पालिका रुग्णालयामध्ये उपचार सुरू आहेत. तर, 806 जणांचे चाचणी अहवाल प्रतिक्षेत आहेत. आजपर्यंत 3 लाख 99 हजार 258 जणांनी कोरोना प्रतिबंधक लस घेतली.