Pimpri : पिंपरी चिंचवड ॲडव्होकेट्स बार असोसिएशनच्या वतीने वकिलांसाठी आरोग्य शिबीर
एमपीसी न्यूज – पिंपरी चिंचवड ॲडव्होकेट्स बार असोसिएशन (Pimpri) व लोकमान्य हॉस्पिटल, चिंचवड यांच्या संयुक्त विद्यमाने बुधवारी (दि. 27) महाआरोग्य शिबिर घेण्यात आले. यामध्ये 100 पेक्षा अधिक वकील बांधवांनी तपासणी केली.
यावेळी बार असोसिएशनचे अध्यक्ष ॲड. नारायण रसाळ, उपाध्यक्ष ॲड. जयश्री कुटे, सचिव ॲड. गणेश शिंदे, सहसचिव ॲड. मंगेश नढे, खजिनदार ॲड. विश्वेश्वर काळजे, ऑडिटर ॲड. राजेश रणपिसे, सदस्य ॲड. सौरभ जगताप, ॲड. प्रशांत बचूटे, ॲड. नितिन पवार, ॲड. पवन गायकवाड व इतर वकील बंधू भगिनी उपस्थित होते.
वकिली व्यवसाय हा अत्यंत ताणतणावाचा असल्याने वकील वर्गाला मोठ्या मानसिक ताणतणावाला सामोरे जावे लागते. परिणामी वकिलांना गंभीर आजारांना सामोरे जावे लागते. याचीच दखल घेऊन बार असोसिएशनतर्फे सदर महाआरोग्य शिबिराचे आयोजन करण्यात आले. या महाआरोग्य शिबिराचा 100 पेक्षा जास्त वकिल बंधू व भगिनी, न्यायाधीश वर्ग, न्यायालयीन कर्मचारी यांनी लाभ घेतला.
बीपी, शुगर, हृदयरोग, हाडांचे आजार, पोटाचे आजार अश्या 15 पेक्षा जास्त आजारांवर तज्ज्ञ डॉक्टरांनी वकिलांना मोफत उपचार व विविध चाचण्या करून मार्गदर्शन केले.
Chinchwad : मंडळांनो! आवाजाची पातळी सांभाळा अन्यथा…
कार्यक्रमासाठी बार असोसिएशनचे माजी अध्यक्ष ॲड. गोरखनाथ झोळ हे आरोग्य शिबिराच्या कार्यक्रमचे अध्यक्ष व प्रमुख (Pimpri) पाहुणे म्हणून बार असोसिएशनचे माजी अध्यक्ष ॲड. सचिन थोपटे होते. बार असोसिएशनतर्फे मान्यवरांचा सत्कार करण्यात आला. तसेच लोकमान्य हॉस्पिटलच्या व्यवस्थापक डॉ. अर्चना कुडे व डॉ. आशितोषकुमार दुबे यांचा देखील कमिटीतर्फे सन्मानचिन्ह देऊन सत्कार करण्यात आला. तसेच लोकमान्य हॉस्पिटलच्या सर्व सहकारी स्टाफ ला कमिटीतर्फे प्रशस्तीपत्र देण्यात आले.
कार्यक्रमाचे सूत्रसंचालन व संयोजन ॲड. मंगेश नढे यांनी केले. ॲड. विश्वेश्वर काळजे यांनी आभार मानले.
