Pimpri: लँडमाफिया विलास नांदगुडे यांच्यासारख्या प्रवृत्तीला भाजपमध्ये थारा नाही -अमोल थोरात

अमोल थोरात यांनी प्रसिद्धीस दिलेल्या निवेदनात म्हटले आहे, ”भाजपने कधीही चुकीच्या आणि समाजविघातक प्रवृत्तींना पक्षात थारा दिलेला नाही. अशा प्रवृत्तीच्या लोकांना भाजपमध्ये स्थान नाही. राष्ट्रवादीचे माजी नगरसेवक विलास नांदगुडे यांची पिंपळेनिलख परिसरात काय प्रतिमा आहे, हे सर्व पिंपरी-चिंचवडकर जाणून आहेत. नांदगुडे यांची बँक व पतसंस्था होती. त्यांनी बँकही बुडविली आणि पतसंस्थाही. त्यांच्या बँक आणि पतसंस्थेत विश्वासाने ठेव ठेवलेल्या ठेवीदारांना नांदगुडे यांनी देशोधडीला लावले”.