Pimpri News : हाथरस प्रकरणातील दोषींना फाशीची शिक्षा द्या – आप
एमपीसी न्यूज – हाथरस प्रकरणाची चौकशी सर्वोच्च न्यायालयात करावी आणि दोषींना फाशीची शिक्षा द्यावी अशी मागणी आम आदमी पार्टी अल्पसंख्यांक विंग व महिला विंगच्या वतीने करण्यात आली. पिंपरी येथील आंबेडकर चौक याठिकाणी त्यांनी हाथरस प्रकरणाचा निषेध करत प्रदर्शन केले.
उत्तर प्रदेश मधील हाथरस याठिकाणी घडलेली घटना अमानवीय आहे. उत्तर प्रदेश सरकार व पोलीस ज्यापद्धतीची वागणूक देत आहेत ती चुकीची असून योगी आदित्यनाथ यांचे सरकार बरखास्त करून त्याठिकाणी राष्ट्रपती राजवट लागू करावी अशी मागणी करत हाथरस प्रकरणी व उत्तर प्रदेश सरकारचा निषेध करत आदमी पार्टी अल्पसंख्यांक विंग व महिला विंगच्या वतीने निषेध प्रदर्शन करण्यात आले.
हाथरस प्रकरणाची चौकशी सर्वोच्च न्यायालयात करावी आणि दोषींना फाशीची शिक्षा द्यावी अशी मागणी आम आदमी पार्टी अल्पसंख्यांक विंग व महिला विंगच्या वतीने करण्यात आली.
यावेळी आम आदमी पार्टी अल्पसंख्यांक विंग चे अध्यक्ष यशवंत कांबळे, वहाब शेख , महिला विंगच्या अध्यक्ष स्मिता पवार, स्वप्नील जेवळे , सागर सोनवणे, सरफराज मुल्ला, पूजा दास, नंदू नारंग, तेजस्विनी, सुशील अजमेर व इतर कार्यकर्ते उपस्थित होते.
