Pimpri News : स्वच्छ भारत अभियान अंतर्गत निबंध, चित्रकला, घोषवाक्य स्पर्धेचं आयोजन
एमपीसी न्यूज – स्वच्छ भारत अभियान (नागरी) अंतर्गत पिंपरी चिंचवड महानगरपालिका कार्यक्षेत्रामध्ये स्वच्छ सर्वेक्षण 2021 सुरु झालेले आहे. सदर अभियानामध्ये नागरीकांचा व समाजातील सर्व घटकांचा व्यापक स्वरुपात सहभाग असणे तसेच माहिती, शिक्षण व संवादाद्वारे वर्तनामध्ये बदल घडविणे हा या सर्वेक्षणाचा प्रमुख हेतू आहे.
स्वच्छ महाराष्ट्र / भारत अभियान अंतर्गत निबंध, चित्रकला, घोषवाक्य स्पर्धा आयोजित करण्यात येत आहे.
महापालिका क्षेत्रामधील नागरीक, एनजीओ, गृहनिर्माण संस्था, असोसिएशन, शाळा व कॉलेज विद्यार्थी यांनी घनकचरा व्यवस्थापन, प्लास्टीकबंदी मोहिम, कोवीड -19, इ. स्वच्छता विषयक बाबींबाबत निबंध, चित्रकला, घोषवाक्य पिंपरी चिंचवड महापालिकेच्या [email protected]
या ईमेल आयडी वर 30 सप्टेंबर पर्यंत पाठवता येणार आहेत.
प्राप्त होणा-या साहित्यामधून प्रथम, द्वितीय व तृतीय क्रमांकांना प्रशस्तीपत्रक प्रदान करण्यात येतील.
शहरातील जास्तीत जास्त नागरीक, संस्था यांनी सहभाग नोंदवून पिंपरी चिंचवड शहर स्वच्छ, सुंदर ठेवण्यास महानगरपालिकेस सहकार्य करावे, असे आवाहन करण्यात येत आहे.
