Pimpri News : कोरोना लसीकरणासाठी सरसकट सर्व औषध व्यवसायिकांची प्राधान्याने नोंदणी करावी – विवेक तापकीर
एमपीसी न्यूज – कोरोना लसीकरणासाठी सरसकट सर्व औषध व्यवसायिकांची प्राधान्याने नोंदणी करावी, अशी मागणी काळेवाडी -रहाटणी केमिस्ट असोसिएशनचे अध्यक्ष विवेक तापकिर यांनी पिंपरी चिंचवड महापालिका आयुक्त श्रावण हार्डिकर यांच्याकडे केली आहे.
पिंपरी चिंचवड महानगरपालिकेने एक पत्रक काढून कोरोना लसीकरणासाठी सर्व खासगी वैद्यकिय व्यवसायिक व त्यांच्या कर्मचा-यांची नोंदणी सारथी ॲप्लिकेशनवर करण्यास सांगितले आहे.
मात्र, यासोबतच सरसकट सर्व खासगी औषध व्यवसायिकांची देखील प्राधान्याने नोंदणी करावी तसेच, या कर्मचा-यांना मोफत उपलब्ध करून द्यावी अशी मागणी विवेक तापकिर यांनी केली आहे.