_MPC_DIR_MPU_III

Pimpri News: महिलांसाठी व्यायामशाळांमध्ये सकाळी, सायंकाळी राहणार वेळ राखीव

एमपीसी न्यूज – कोरोनाच्या पार्श्वभूमीवर महिलांची प्रतिकार शक्ती वाढविण्याच्या दृष्टीने महापालिकेच्या व्यायामशाळांमध्ये महिलांसाठी वेळ राखीव ठेवण्यात येणार आहे. रोज सकाळी व सायंकाळी प्रत्येकी एक तास या प्रमाणे दररोज दोन तास राखीव वेळ ठेवण्यात येणार आहे.

_MPC_DIR_MPU_IV

पिंपरी-चिंचवड महापालिकेच्या शहरात 82 व्यायामशाळा आहेत. त्यातील 32 व्यायामशाळा महापालिकेतर्फे तर 50 व्यायामशाळा सेवाशुल्क तत्वावर खासगी संस्थामार्फत चालविल्या जात आहेत. मार्चपासून व्यायामशाळा बंद होत्या. आता त्या सुरू करण्यात आल्या आहेत.

_MPC_DIR_MPU_II

मात्र, कोरोना काळात महिला व नागरिक घराबाहेर पडत नव्हते. त्यामुळे त्यांची प्रतिकार शक्ती कमी झाली आहे. महिलांची प्रतिकार शक्ती वाढविण्यासाठी सर्व व्यायामशाळांमध्ये सकाळी एक तास व सायंकाळी एक तास असे दोन तास महिलांसाठी राखीव ठेवण्याचा निर्णय क्रीडा विभागाने घेतला आहे.

महापालिकेच्या वतीने चालविल्या जाणा-या व्यायामशाळांमध्ये सकाळी नऊ ते दहा आणि दुपारी चार ते पाच महिलांसाठी राखीव वेळ असणार आहे. सेवाशुल्क तत्वावर चालविण्यास दिलेल्या व्यायामशाळांमध्ये सकाळी दहा ते 11 आणि दुपारी तीन ते चार महिलांसाठी राखीव वेळ असणार आहे.

_MPC_DIR_MPU_I

MPCNEWS आता टेलीग्रामवर आहे. आमचं चॅनेल (@mpcnews1) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.