BNR-HDR-TOP-Mobile

Pimpri : स्मार्ट सिटीच्या संगणक प्रणालीचे कामकाज पाहण्यासाठी अधिका-यांच्या नियुक्त्या

0 134
PST-BNR-FTR-ALL

एमपीसी न्यूज – पिंपरी-चिंचवड स्मार्ट सिटीच्या माहिती व तंत्रज्ञान, संगणक प्रणालीचे कामकाज पाहण्याकरिता 8 अधिका-यांच्या नियुक्त्या करण्यात आल्या आहेत. यामध्ये माहिती व तंत्रज्ञान अधिकारी, कॉम्प्युटर प्रोगामर, ऑपरेटर यांचा समावेश आहे.

.

महापालिका माहिती व तंत्रज्ञान विभागाच्या अखत्यारीत जेएनएनयुआरएम, स्मार्ट सिटी, पंतप्रधान आवास योजना तसेच कॉपोरेट सोशल रिस्पॉन्सिबीलीटी सेल (सीएसआर) सिटी ट्रान्सफॉर्मेशन ऑफीस (सीटीओ) अमृत योजना आदी विविध योजनांचे कामकाज करण्यात येत आहे. तथापि, स्मार्ट सिटी अभियानाचे कामकाज निश्चित वेळेत पूर्ण करणे व कामकाजात गतिमानता येण्याच्या दृष्टीने या कामकाजासाठी 17 नोव्हेंबर 2017 रोजी ‘स्मार्ट सिटी सेल’ची स्थापना करण्यात आली आहे. या सेलच्या माहिती व तंत्रज्ञान-संगणक प्रणाली विषयक कामकाज करण्यासाठी अधिकारी, कर्मचा-यांची नेमणूक करणे आवश्यक आहे.

ही बाब लक्षात घेऊन महापालिकेतील माहिती व तंत्रज्ञान अधिकारी विजय बोरुडे, श्रीधर पवार, अनिता कोटलवार, कॉम्प्युटर प्रोग्रामर संजय जाधव, दीपक पवार, उज्ज्वला गोडसे, कॉम्प्युटर ऑपरेटर रामहरी रासकर आणि सचिन राणे यांच्याकडे स्मार्ट सिटी सेलचा तात्पुरत्या स्वरूपात अतिरिक्त पदभार सोपविण्यात आला आहे.

या अधिकारी, कर्मचा-यांना त्यांच्याकडे यापूर्वी सोपविलेले सर्व कामकाज सांभाळून स्मार्ट सिटीचे माहिती व तंत्रज्ञान-संगणक प्रणाली विषयक कामकाज करायचे आहे. मुख्य माहिती व तंत्रज्ञान अधिकारी तथा स्मार्ट सिटी सेलचे सह मुख्य कार्यकारी अधिकारी यांना अधिकारी, कर्मचा-यांच्या कामकाजाचे नियोजन व वाटप करावे लागणार आहे. याबाबतचा आदेश आयुक्त श्रावण हर्डीकर यांनी जारी केला आहे.

.

HB_POST_END_FTR-A1

%d bloggers like this: