Pimpri: पोलीस आयुक्तलायाच्या इमारतीच्या कामाला गती द्या – एकनाथ पवार

एमपीसी न्यूज – पोलीस आयुक्तालयाच्या इमारतीच्या कामाला वेग देण्यात यावा. कामाचा दर्जा चांगला ठेवण्यात यावा. आगामी महिन्यभरात फर्निचरसह स्थापत्य विषयक कामे मार्गी लावण्यात यावीत, अशा सूचना सभागृह नेते एकनाथ पवार यांनी अधिका-यांना दिल्या.

पिंपरी-चिंचवड शहरातील वाढती गुन्हेगारी रोखण्यासाठी शहरासाठी 15 ऑगस्टपासून स्वतंत्र पोलीस आयुक्तालय सुरु झाले आहे. तात्पुरत्या स्वरुपात चिंचवड येथील अॅटो क्लस्टर मधून आयुक्तालयाचे कामकाज सुरु आहे. पोलीस आयुक्तालय चिंचवड, प्रेमलोक पार्क येथील महात्मा फुले शाळेच्या इमारतीमध्ये कायमस्वरुपी होणार आहे. इमारतीमध्ये कामकाज सुरु असून सभागृह नेते एकनाथ पवार यांनी शनिवारी (दि. 6) कामाची पाहणी केली.

पवार म्हणाले, “पोलीस आयुक्तालयाला शाळेची इमारत देण्यात आली आहे. फर्निचर, स्थापत्यविषयक कामे सुरु आहेत. वरिष्ठ पोलीस अधिका-यांसाठी दालने केली जाणार आहेत. एक महिन्याभरात काम पुर्ण होईल. त्यानंतर दिवाळीच्या अगोदर मुख्यमंत्री देवेंद्र फडणवीस यांच्या हस्ते आयुक्तालयाचे उद्‌घाटन करण्याचे नियोजित आहे”

MPCNEWS आता टेलीग्रामवर आहे. आमचं चॅनेल (@mpcnews1) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.