Pimpri : सई तापकीर ठरली ‘महाराष्ट्राची सौंदर्यवती’ स्पर्धेची मानकरी

एमपीसी न्यूज – पिंपरी चिंचवड शहरातील लॉलीपॉप एंटरटेनमेंट (Pimpri) आणि कॅलिस्टा पिजंट या संस्थेच्या वतीने ‘महाराष्ट्राची सौंदर्यवती स्पर्धा 2023’ पर्व 8 या स्पर्धेचे आयोजन करण्यात आले होते. या स्पर्धेत विविध फेऱ्या पार करत सई तापकीरने प्रथम क्रमांक मिळवला असून ‘महाराष्ट्राची सौंदर्यवती स्पर्धा 2023’ चा मुकुट आणि रोख पंधरा हजार रुपयांचे बक्षिस प्राप्त केले.  

महिलांच्या अंगभूत कलागुणांना प्रोत्साहन देऊन त्यांचा आत्मविश्वास वाढवण्यासाठी त्यांना उत्तम व्यासपीठ उपलब्ध करून देण्याचे काम पिंपरी चिंचवड शहरातील लॉलीपॉप एंटरटेनमेंट आणि कॅलिस्टा पिजंट या संस्थेच्या वतीने करण्यात येते.

“महाराष्ट्राची सौंदर्यवती स्पर्धा 2023” महिलांच्या खुल्या गटाच्या आणि लहान मुले तसेच मुलींच्या सौंदर्य स्पर्धा रविवारी चिंचवड येथे आयोजित करण्यात आल्या होत्या. या सौंदर्य स्पर्धेमध्ये महाराष्ट्राच्या विविध जिल्ह्यातून सौंदर्यवतींनी सहभाग घेतला होता.

Pune: कोशकार य. रा. दाते यांच्या घरावर नीलफलक

या सौंदर्य स्पर्धेमध्ये नेहा निकाळजे द्वितीय क्रमांक मुकुट आणि रोख बारा हजार रुपये, तृतीय क्रमांक सानिका जवंजाळ यांनी (Pimpri) मुकुट आणि रोख दहा हजार रुपयांचे बक्षीस पटकावले. विजेत्या स्पर्धकांना ज्येष्ठ कर सल्लागार शाळिग्राम तायडे प्रा. विजय रामाने यांच्या हस्ते सोन्याची नथ, पैठणी आणि सन्मानचिन्ह देऊन गौरविण्यात आले.

लहान मुलांच्या गटात प्रथम क्रमांक अंशिका कदम, द्वितीय क्रमांक अनविका मोरे आणि तृतीय क्रमांक अनिकेत साळुंखे यांनी मिळवला. सर्व विजेत्यांना सन्मानचिन्ह, प्रमाणपत्र आणि रोख पारितोषिक देऊन गौरविण्यात आले. नैना वेदपाठक, डॉ. दुर्गा लकडे, सुहास ढवळे आणि प्रा. सूमीता काटकार यांनी परीक्षक म्हणून काम पाहिले.

तर ग्रूमिंग नरेश फुलेलू, क्षितिज गायकवाड आणि इशा राजे यांनी केली. आऊटफिट तृप्ती पवार, वेशभूषा, केशरचना रिया आदमाने आणि प्रिया कानडे यांनी केली. शिल्पा मगरे-गाडेकर, निकिता गायकवाड आणि प्रीती वाघमारे यांनी संयोजनात सहभाग घेतला.

स्वागत लॉलीपॉप इंटरटेनमेंटचे संचालक संजीव जोग, सूत्रसंचालन रुचिका भोंडवे आभार कावेरी तांबे यांनी मानले.

MPCNEWS आता टेलीग्रामवर आहे. आमचं चॅनेल (@mpcnews1) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.